Populære bibelvers fra मत्ती 6

Del

थोगी ख्‍योकोनगी पीर खिते साटोला खेराङ सेम पूरो खाला परमेश्‍वर राज्‍य छ्य्‌वापा लै खि। थेमे थेकी साबा साबाच्‍योक खि। थोक खासीनराङ ख्‍योकोनला गोच्‍येते जति गाङे परमेश्‍वरगी तेरग्‍यो।

थोगी ङारो च्‍यि ओङोङा, सा थुङा ङेदोङाना माङेदोङा सिन थरिङराङ पीर माकेत। च्‍यिला सासीन ङारो लाईदु गोच्‍येते ङारोराङ ङेत्‍क्‍यो। थरिङला थरिङ बातकामा विचार खासीन ओङगो।

बात दोक ईन्‍देकी च्‍यि साच्‍ये, च्‍यि थुङच्‍ये थेमे च्‍यि खोन्‍च्‍ये सिन ख्‍योकोन पीर माकेत। च्‍यि मि जुनी भन्‍दाङ साप थुङा छ्ये ईनरो? ना जीउ भन्‍दाङ खोन्‍च्‍येतेका छ्ये ईन्‍दे?

प्रार्थना खित्‍जीन ख्‍योकोनगीचेन ज्‍येनगी मोथोङच्‍या खाला च्‍यिकराङ खइँसाला देत्‍ला च्‍याला मि मिगी थोङा मुथुप्‍च्‍येते ख्‍योकोन आबा परमेश्‍वरला प्रार्थना खि। थोक खासीन सुङगीङ मोथोङच्‍या खाईन खाबाते कामोङ थोङकान्‍ते ख्‍योकोन आबा परमेश्‍वरगी ख्‍योकोन प्रार्थना ङेन्‍ला ख्‍योकोनला इनाम तेरग्‍यो।

ख्‍योकोनगीचेन परमेश्‍वरला दोक सिन प्रार्थना खि। चुक सासीन ‘स्‍वर्गने देत्‍कान्‍ते आबा परमेश्‍वर, मि गाङेकी खोल्‍ला मान खित्‍स्‍यीत। सा लुङबा खाङ पूरो खाला खुई राज्‍य ओङस्‍यीत। स्‍वर्गने खाबा च्‍योकराङ दि पृथ्‍वीदुङ मि गाङेकी आबा खुई साबाते ङेन्‍ला खि साबा च्‍योकराङ खित्‍स्‍यीत।

थरिङ लाईदु ङ्योकोनला गोच्‍येते साप थुङा नाङ।

ङ्योकोनगी ङेराङला मेलेबा खित्‍कान्‍ते मिओनला माफ तेरा च्‍योकराङ खाला ङ्योकोनगी खाबाते पाप माफ नाङ।

थेमे मेलेबा काम खित्‍से छ्य्‌वापेई ङ्योकोनला जोए खाला नाङ। मिला मेलेबा खित्‍कान्‍ते शैतान लाःक्‍तुकीङ खुईराङ जोए खाला नाङ। गाङेपा गाङेला राज्‍य खित्‍कान्‍ते खोराङ ईन। खोत्ताङ छ्येज्‍यीक शक्ति ओत। खुईते सधैँभरि जय जय ओङस्‍यीत। आमेन,’ सिन सि।

ईन्‍दालाचेन ख्‍योकोनगी खेराङला मेलेबा खित्‍कान्‍ते मिओनला माफ बिन्‍सीन स्‍वर्गने देत्‍कान्‍ते ख्‍योकोन आबा परमेश्‍वरगीङ ख्‍योकोन पाप माफ तेरग्‍यो।

छ्योज्‍युङमालाराङ ताला विचार खि। च्‍यि थेबेकी कहिलेबा खेतीपाती लै खाबातेताङ अन्‍ने भकारी काङाते ख्‍योकोनगी थोङा ओत? थोक माक्‍यासीनोङ स्‍वर्गने देत्‍कान्‍ते ख्‍योकोन आबा परमेश्‍वरगी थेबाला साप थुङा बिन्‍लाराङ दुक। छ्योज्‍युङमा जाबालानी परमेश्‍वरगी साप थुङा बिन्‍ला दुक सासीन ख्‍योकोनला झन मेतेरोतरो? छ्योज्‍युङमा भन्‍दानी परमेश्‍वर लाईदु ख्‍योकोन खापान खापान छ्ये ईन याङ।

लोक्‍ला ज्‍येन बात च्‍यि सासीन ख्‍योकोनगी दुरू सम्‍पत्ति साला माज्‍यो। दोक्‍ते सम्‍पत्तिनी बुईकी सेइओ, चा छ्याक्‍यो, खिये खिओ थेमे चोरगी कुला सिन्‍ला तोरला डुइओ। दुरू सम्‍पत्ति सोक्‍पा साटोला बरू ख्‍योकोनगी स्‍वर्गने दाक्‍पोन मिनला सम्‍पत्ति सोक्‍च्‍येते खि। स्‍वर्गे सम्‍पत्तिचेन दुरूते च्‍योक बुईकी मास्‍साओ, चा माछ्याओ, खिये खाला मोन्‍डोओ थेमे चोरगीङ क्‍वा मुथुबो। बात च्‍यि सासीन ख्‍योकोनते सम्‍पत्ति जहाँ दुक, सेमोङ थेरूराङ ओङगो। दुरू ओत्‍सीन दुरूराङ थेमे स्‍वर्गने ओत्‍सीन स्‍वर्गनेराङ।

योक्‍पोकी जुन खाम्‍बादु देत्‍ला दुक थे खाम्‍बे धनीकी कोताते बातकामा ङेन्‍दा फाप्‍क्‍यो। ज्‍येन मालिककी कोताते थेकी ङेन्‍दा मुथुबो। मालिक ङि ओङसीन थेला खाङ मालिकते मन परे खिका थेकी कोताते ङेन्‍ला थेलाराङ खुशी जोइओ। ज्‍येनतेकी कोतातेलाचेन थेकी नामज्‍योकराङ मेसेदो। योक्‍पोज्‍यीगी मालिक ङिला लेमु खिता माथुपा च्‍योकराङ खाला ख्‍योकोनगीङ परमेश्‍वरलाङ सम्‍पत्तिलाङ माया खिता मुथुबो। परमेश्‍वरला माने खासीन सम्‍पत्ति माया मारे खिता फाप्‍क्‍यो, सम्‍पत्ति माया खासीन परमेश्‍वरला माने खिता मुथुबो।

थरिङ दोक लेमु खाईन फोङा ओत्‍सीनोङ ङारो दि मेन्‍दोक सोताङराङ ङाला काम्‍ला दाक स्‍येइओ। थोक खित्‍च्‍ये जालानी परमेश्‍वरगी होदोक लेमु थोङच्‍या जोला दुक सासीन च्‍यि ख्‍योकोनला खोन्‍च्‍येते मेतेरोतरो? दाक्‍पोनला गोच्‍येते गाङे परमेश्‍वरगीराङ तेरग्‍यो सिन ख्‍योकोनगी पत्ते खाबाते खोइ?

थोगी दुक्‍पा ङेतातेबाला खइँदा तेरजीन ख्‍योकोनगीचेन सुङगीङ सुइँको मेङेत्‍च्‍या खाला बिन। थोक खासीन सुङगीङ छ्या मेस्‍येच्‍या खाईन खाबाते काम थोङकान्‍ते ख्‍योकोन आबा परमेश्‍वरगी ख्‍योकोनगी चुक खासुङा थोङला ख्‍योकोनला इनाम तेरग्‍यो।

थेमे ज्‍येन बात च्‍यि सासीन परमेश्‍वरगी खि साबा साबाच्‍योक खित्‍जीन ख्‍योकोनगी मिओनगी थोङला खेराङला धर्मतीते मि दुका सिरस्‍यीत सिरच्‍येते सेमगी माकेत। थोक खासीन स्‍वर्गने देत्‍कान्‍ते ख्‍योकोन आबा परमेश्‍वरगी ख्‍योकोनला छ्याःङ इनाम मेतेरो।

थेमे बर्त देत्‍जीन ख्‍योकोनगीचेन ज्‍येनगी खोपरोङला धर्मतीते मि दुका साला मान खित्‍स्‍यीत सिराच्‍योक खित्‍कान्‍ते मिओनगी च्‍योक माकेत। होथोक्‍ते मिओनगीचेन खोपरोङ बर्त देता ओताक्‍वा सिन ज्‍येनगी छ्या स्‍येस्‍यीत सिन छ्येत सेत्‍ला देत्‍क्‍यो। दि बात ङेन। थोक खित्‍कान्‍ते मिओनला ज्‍येनगीचेन मान खिओ। तर परमेश्‍वरगी तेरच्‍येते इनामचेन थेबेकी छ्याःङ मेङेदो। थोगी ख्‍योकोनचेन बर्त देत्‍जीन छ्येत ठु, गोःला मोर्गु कुला ज्‍येन बेलाला च्‍योकराङ छ्येत हुरहुर खाला देत। दोक खासीन सुङगीङ छ्या मेस्‍येच्‍या खाईन बर्त देत्‍सीनोङ मि मिगी थोङा मुथुप्‍च्‍येते ख्‍योकोन आबा परमेश्‍वरगीचेन थे बात छ्या स्‍येला ख्‍योकोनला इनाम तेरग्‍यो।