Populære bibelvers fra Yohanes 2

Del

Laumiria pamulana ntoto Yesus nobabei tanda to nepakahera. Laibabei-Na ee i ngata Kana to i Galilea. Hante to laibabei-Na lauria, Yesus nampahiloi kabohe baraka-Na, pade ana-ana guru-Na neparahaya hi Hia.

Iuli Yesus hi tina-Na, “Napa patujumu nangulika-'A lauria? Poma tempona Kupahiloi hema-'A kakonona.”

Yesus nangulikara to pobago i pohuhaa ee mai, “Kahini purami pobolia ue etu maponu hante ue.” Laikahinira mpuumi duuna naponu. Napu ee iulika-Na muira Yesus, “Talau hodi ue etu pade kenimi hi to pangkeni huha.” Laitalaura mpuumi hodi ue ee pade laikenira hi to pangkeni huha.

Nehono Yesus hi hira, “Pakaropomi Hou Alatala ei mai, pade rarana tolu eo Kubangu nculi'i.”

Yesus nobabei poweba lako kaloro pade laiwura-Na purara lako karawaa Hou Alatala hante bimba pade japira. Doira to pohula doi laibure-Na i tana pade mejara laibaliangko-Na. Iulika-Nara to pobalu tonci bangkebodo ee, “Ala pura humawee ei lako hei, nemo mibabei hou Tuama-Ku mawali pasar.”