Populære bibelvers fra မဿဲ 16

Del

အယ်ဘီးန ယေရှုဟှ တဗဲ့တော်လေဟှို “ဖယ်သူဘဲ့ဖြစ်ဖြစ် ငါ့နော့‑က်ဟှို လိုက်ရှင်ဟှယ် ဆိုဟှာ ကိုယ့်ကိုယ်ကိုယ် ငြင်းပယ်ရမယ်။ ကိုယ့်ရဲ့ လတ်ဝါးကပ်တိုင်ဟှို ထမ်းဘီးဟှာ ငါ့နော့‑က်ဟှို လိုက်ရမယ်။

အယ်ကြောန့် ငါပြောမယ်၊ နန်ဟှာ ပေတရု ဖြစ်ဟှယ်။ အယ်က္လော့‑က်ထတ်မာ ငါ့သင်းတော်ဟှို ငါတည်ဆော့‑က်မယ်။ မရဏာနိုင်ငံရဲ့ ခွဗော့‑က်ဝဟှာ အယ်သင်းတော်ဟှို နိုင်စေရဟှ။

ငါဟှာ နန့်ဟှို ကောန်းဂန်နိုင်ငံရဲ့ သော့လေဟှို ပေးအပ်မယ်။ နန်ဟှာ မ္လေဂီးမာ ချည်နှောန်ဟှူမျှဟှို ကောန်းဂန်မာ ချည်နှောန်ခံရလေ့မယ်။ မ္လေဂီးမာ ဖြေလွှတ်ဟှူမျှဟှို ကောန်းဂန်မာ ဖြေလွှတ်ခံရလေ့မယ်” ဆိုဘီး မိန့်တော်မူလေဟှယ်။

ဖယ်သူဘဲ့ဖြစ်ဖြစ် သူ့ရဲ့သတ်ဟှို ကယ်တန်ရှင်ဟှယ် ဆိုဟှာ သတ်ရှောင်းရလေ့မယ်။ အယ်ဘေမဲ့ ဖယ်သူဘဲ့ဖြစ်ဖြစ် ငါ့တွပ်န သတ်ရှောင်းဟှယ် ဆိုဟှာ သတ်ဟှို ရလေ့မယ်။

လူဟှာ လောက တခုလောင်းဟှို ရရှိဟှူလည်းဘဲ့ သူးနို့ရဲ့ သတ်ဝိညာဉ် ဆောင်းရှောင်းဟှားမယ် ဆိုဟှာ ဖြားကျိုးရှိမယ်နူး။ သူးနို့ဟှာ ဖြားဇာလေဟှို ပေးဘီး သူးနို့ရဲ့ သတ်ဟှို ပ္လန်ဝီးနိုင်မယ်နူး။

ကိုယ်တော်ဟှ “နန်းနို့လေဟှမား ငါ့ဟှို ဖယ်သူဖြစ်ဟှယ် ဆိုဘီး ပြောဂေ့နူး” ဆိုဘီး မေးတော်မူဟှယ်။ ရှိမုန်ပေတရုဟှ “ကိုယ်တော်ဟှာ သတ်ရှင်တော်မူဟှူ ဘုရားသခင်ရဲ့ သားတော်ဖြစ်ဟှူ ခရစ်တော်ဖြစ်ပါဟှယ်” ဆိုဘီး လျှော့‑က်ဟှယ်။

ယေရှုဟှ “ယောနရဲ့သားရှိမုန်! နန်ဟှာ မင်္ဂလာရှိလေဟှယ်။ ဖြားဖြစ်ကြောန့်နူးဆိုဟှာ အယ်မူဇာဟှို ဇာတိသွီးသားဟှ နန့်ဟှို ဖွမ့်ပြလိုက်ဇာ မှုဟှ။ ကောန်းဂန်ဘောင်မာ ရှိတော်မူဟှူ ငါ့ဖဟှာ ဖွမ့်ပြတော်မူဟှယ်။