Populære bibelvers fra Markus 10

Del

Fali Yakw, Tomwate Anaky kmwa saryamprene to feti ma tomwatar rlangun Yakw, nempa kmwa ma klwangun tomwatar. Ma Yakw kmwa kbwal ma kunrenre Yakw ma kmwat la ktwebus tomwatar monuk rof nir salar.”

Ne Yesus nfon sir ma nfalak, “Tomwatar to bonir ral ma rfair a rbali sir, nempa Ratu boany nal. Fali Ratu bise ma nose safe-safe motak!”

Mpe Yesus nfalak ber i, “Farlan farane e mbwali ko lo! Fali mulele Yakw mpa mungamon.” Nof a ne nbal tomwate ne nakeban desar, ne nmpan a nlarat Yesus.

Mpa merwane ma bate ma Ratu nkete sir a ne lo, tomwatar to bise ma rakese sir.”

Yesus nfon tomwate ne ma nlompang i. Ne I nfalak, “Bait sa nbal ma ka mose: Mtwi mfwenri monuk nim kabanir, betno mswaman dotyar a ne ber tomwatar ma rawatan, nema monri kabanir na surga. Ko mose farane betno mlwarat Yakw.”

Ne Yesus nfalak ber i, “Mpweang ma Yakw kose safe ber ko?” Ne i nfalak, “Tuangguru, kmpweang ma kukeban.”

Nempa kmi e ka kete myose mbyalak sir. Mpa nof a kmi ye, ise ma nmpeang ma silai i, ka neluk mangkaryae ber a kmi.

Yakw kfwalak ber a kmi! Ni botuan e ka milele Ratu farlan kangkir ye ma to bise ma rkatar sir rof enir amnir. Ma farlan to myose farane keta to myeluk Ratu Ni tomwatar.”

Nempa tomwatar yadin ma lere ye reluk tomwat silayar, keta famudi e reluk tomwatar ma to ubnir sasaf. Ma tomwatar ma lere ye to ubnir sasaf, keta famudi e reluk tomwat silayar.

Safo luryain ma Ratu nose saryamprene e, I nose bate ma merwane. Iane nwayat ma merwane ka nti a ntate enany amany ma nafsau nor sawany, nwayat ma radu a rmorip e lese. Mpa na Ratu sounlury e tomwatar to du lo, nempa lese motak.