Populære bibelvers fra Matius 28

Del

Mpa mtyi mikmat nusar monuk na saryamprene ma miftutu sir nema reluk Ningw manglartar. Ma midiris sir myor Ame, Anaky ma Ratu Smwangtany ngarnir. Ma miftutu sir ma rose rlarat safe-safe monuk ma kfwalak ber a kmi a ne. Ma ka mifai feti Yakw kor a kmi dedesar terik ma ler famudi.”

Ne Yesus nti nlosir sir ma nfalak, “Amangw nal monuk kuase ber Yakw lo ma kfwarete surga ma saryamprene.

Nempa malaekat a ne nfalak ber batar a ne, “Kete mimtaut, yakw kufai feti kmi minriak Yesus ma rsangwalu I a ne. I to namin ye, I nmorip a nbali lo farlan ma nfalak a ne. Ma mya ma msyalan ain ma rfele I a ne.

Ne Yesus nfalak ber sir, “Kete mimtaut, mbyali kmi ma mfyalak ber wangur ma ralele Yakw ne, ma rti Galilea. Na iano keta sir rsalan Yakw.”

Lama raale andaun ror maken Yahudyar monuk, sir rtetak ma ral dotyar yadin ber suldadwar a ne, nema kete rafbotin safe ma rsalan a ne ber tomwat walyetar. Ma rfalak ber sir, “Ka mfyalak ber tomwatar farye, noak ma kam marwa na nronram a ne Yesus Ni manglartar rma ma ramnang I tenany. Ma farlan gubernur Pilatus ndengar ngrie ne, la kam matanuk mor i nema ka kete nukun a kmi.” Suldadwar ral doit a ne, ma rose rlarat farlan safe ma mangsomp ulnir rfalak ber sir. Mpe ansaur na Yesus Ni manglartar ma ramnang I tenany a ne nsor monuk tomwat Yahudyar terik lere ye.