Populære bibelvers fra Matius 26

Del

Ne Yesus nfalak a nbal, “Ka mbyatar dedesar ma msyampayang, nema nait ma smwangat yatkar nir ulun nteman a kmi e kete mfyufw far sale dalam. Botuan feti dalmir rmpeang ma myose mlyarat Ningw mpempeang, nempa koko kmi e to bomir myal ma myose.”

Mpe I nfalak ber sir, “Yakw dalangw suse desar, ma krwase feti ketla kmwat. Mpa mimin ye ma ka mbyatar myor Yakw.”

Mpe Yesus nkatar I nof sir betno nsatngur ma nbon ompak ma nsampayang. Ne I nfalak, “Amo o Amo, farlan Ko mpweang e mwalin suse ye mof Yakw nre la? Ma ka kete mose mlwarat Ningw mpempeang, nempa mose mlwarat Ko Nim mpempeang.”

Fali anggur ye iane Yakw darangw ma ntarbui ber a kmi noak ma kmwat. Yakw darangw a ne ma nafkoran Ratu Ni yoyoding nor tomwatar feti I keta nkes kalin nir salar monuk.”

Noak ma Yesus nor Ni manglartar rtame, I nal roti ma nose alang ber Ratu, betno napuse ma nasaman ber sir. Ma nfalak, “Roti ma kal ber a kmi ye, iane Yakw tenangw, myal ma mine!”

Mpe I nal kompi ma anggur namin a ne, ma nose alang ber Ratu, ma nal ber sir ma nfalak, “Kmi monuk myenum myof kompi ye.

Lama Yesus nsampayang monuk e nbali I far Ni manglartar tel a ne. Nempa nsalan e rarwa lo. Ne nfalak ber Petrus, “Ko to bise ma mbwatar fen jamar sa mor Yakw e?”

Yakw kfwalak ber a kmi, “Ni botuan e, nof lere ye keta to kwenum anggur ye lo, terik lere ma kwenum anggur beberi kor a kmi a na ain ma Amangw nfarete neluk Rai.”

Mpe Petrus nanremi safe ma Yesus nfalak ber i, “Keta sife to nkikyeu fuky e ko mumsoal yakw lain tel e lo.” Ne Petrus nbie nof ain a ne ma ntasing ma nasmetur.

Mpyote kmi ma ti. Tomwate ma nfenri Yakw ne nma lo.”

Mpe Yesus nfalak ber i, “Mswifik a mbwali nim smade ne, fali ise ma nles ni smade, keta tomwatar rfen i ror smade nbal.