Populære bibelvers fra Matius 24

Del

Ma fali kabain yatkar na saryamprene ye rtafal ma yadin nwayat ma tomwatar yadin to rakamis sir lo. Nempa tomwatar ma ramkoran ma ralele Yakw terik ma saryamprene namsos, keta Ratu nfair sir.

Ma Ibar Ngamone na Ratu ma neluk Rai ma nfarete tomwatar, ka nsor nusar monuk na saryamprene ma tomwatar rdengar a fuky, betno saryamprene namsos.”

Ma keta mdyengar ibar feti tomwatar ramdiri yayat na nusar sa, nre mdyengar prang na mpenempen a nbal. Ma kete mimtaut fali safe-safe monuk a ne ka rbotin, nempa iane to ni tewat ma saryamprene namsos a fuky.

Ma keta nusar raale sir ma rayar raale sir a nbal. Ma keta ruku silai ma lafar silai na mpenempen. Nempa susar monuk ma mkyoman a ne betno tubun motak nof suse silai ma keta diat saryamprene noak ma to namsos a fuky. Iane farlan suse ma batar sa nkoman maninik noak ma nose ma namtoranbab.

Langit numur saryamprene keta rlie, nempa Ningw ngribatnir keta rmon titerik ma dedesar.”

Fali keta tomwatar yadin ral ngarangw ma rfalak, ‘Yakw ye Ray Silai’ la rfule tomwatar yadin.

Na lere ne, keta tomwatar romat a kmi ma ranrenre kmi ber mangfaretar. Ma keta rsiksa ma rfen a kmi. Ma keta nusar monuk na saryamprene rkedan a kmi fali mlyarat Yakw. Na lere ne keta tomwatar yadin ratliur Yakw ma to ralele Yakw nbal. Ma keta tomwatar sa nfenri tbwarnir ber mangfaretar, ma keta tomwatar yadin rakedan sir. Ma nabi wawatar yadin keta rbotin ma rfule tomwatar yadin ma rfalak feti nir anftutwar a ne nof Ratu.

Yesus nfalak, “Ka mijake kmi fen ngamone, nema tomwatar kete rma ma rfule kmi!

Iane nwayat ma kmi a nbal e ka mijak dedesar, fali keta metryat motak e Yakw, Tomwate Anaky kmwa saryamprene.”

Mpa ka mijak dedesar, fali to mifai ni tewat ma mir Mangnrur Silai nma.

Yesus nfalak a nbal, “Boloka farane to tomwate fen lese ma nafai feti bengfir e Yakw, kmwa saryamprene. Malaektar ma ramin surga e to rafai, Yakw, Ratu Anaky to nafai nbal, lan Amangw ma nafai.

Fali na lerar a ne keta tomwatar yadin rose felnir farlan rai silai ma nabyar. Ma keta sir rma ma rose fanikar ma rlie rlengan ma kabain mpasalnar la rfule tomwatar. Ma nlengan e sir rareke ma rfule tomwatar ma Ratu nfil sir a ne nbal.

Noak ma Yakw, Tomwate Anaky kmwa, keta tomwatar nir momorip feleles farlan na are nabi Nuh. Fali noak ma to kjaip silai fuky e tomwatar rtame renum, ma rafasawe sir. Lerar monuk e sir rmorip farlan iane motak ti nait na lere ma nabi Nuh nti kabal dalam. Sir to rafai safe ma diat sir terik ma kjaip silai nma ma natloram monuk sir. Iane feleles a nbal farlan safe ma keta diat tomwatar, noak ma Yakw, Tomwate Anaky kmwa kbwali saryamprene.