1
Mata 7:7
Kibaku NT
“Ka gǝri kǝgyɛ ndǝ ata la gǝri; ka gǝri bara gǝri ata ɓui; ka gǝri tsa ndǝ ata mburnta ala gǝri nyavǝrari.
Sammenlign
Utforsk Mata 7:7
2
Mata 7:8
Akuya kǝlara ndǝ nam tara kǝgyɛ dzǝ ata dlutsi; ndǝ nam tara bara dzǝ ata ɓui; ba ala ndǝ nam tara tsa nyavǝr ndǝ ata mburnta alari.
Utforsk Mata 7:8
3
Mata 7:24
“Kadǝbar ǝni kǝlara ndǝ nam tara ngati ndǝrǝrna ǝni yarni ka hau tǝ dar akwa kǝthlǝr ani dzǝ apa ndǝ nam bǝrkawa nam tara tsati kǝiyirni ata paya.
Utforsk Mata 7:24
4
Mata 7:12
Ani akwa kǝlara su, ka gǝri 'ya ala ndzǝ laka yarɛ sǝ nam tǝ gǝri ada bara ka dar 'ya ala gǝri, akuya ǝni ani sǝ nam tǝ Mabari ba nabi yarɛ tara nkǝrɛ.
Utforsk Mata 7:12
5
Mata 7:14
Ama nam nkyiɗu ni ani nyatǝfu nam hyɛɗu whal nam ada mwari akwa vui mpikɛ, ba ndzǝ yiɗau laka ani ata ɓui tǝni.
Utforsk Mata 7:14
6
Mata 7:13
“Ka gǝri livi ata nyatǝfu nam hyɛɗu. Akuya nyatǝfu nam dlaɓu ni ani nyatǝfu nam tǝ nuwari butu ani whal nam ada mwari akwa vui santadzi, tǝ ndzǝ hang ada livi ati.
Utforsk Mata 7:13
7
Mata 7:11
Ma gǝri nam ndzǝ kulɗa, gǝri zǝndi whal nam tǝ gǝri ada la sǝga yarɛ nam ɗaku ala madar gǝri, mǝmi hangkur nam tǝ Tada gǝri nam atahyal ata la sǝga nam ɗaku ala ndzǝ nam kǝgyǝ tǝni!
Utforsk Mata 7:11
8
Mata 7:1-2
“Ta gǝri ta 'ya haka ala ndzi kadǝbar gǝri yɛ ta ndǝ ta 'ya ala gǝri haka. Akuya tsu apa tǝ gǝri ada 'ya haka ala ndzi damwa yarɛ, ani tǝ ndǝ ata 'ya ala gǝri haka, ba aka daram nam tǝ gǝri ngalɛ ala ndzi, aka dza tǝ ndǝ ata ngalɛ ala gǝri.
Utforsk Mata 7:1-2
9
Mata 7:26
Ama kǝlara ndǝ nam tara ngati ndǝrǝrna ǝni yarni ba kura dzǝ ta hau tǝni akwa kǝthlǝr ani dzǝ apa ndǝ nam dlang nam tara tsati kǝiyirni ata wuyahu.
Utforsk Mata 7:26
10
Mata 7:3-4
“Kami tǝ gǝ ada wul kukutǝr fwɛ ata ntsa zǝrma, ama gǝ adi ada ɗǝnga bangǝlang nam ata ntsa gǝ wɛ? Mǝmi tǝ gǝ awa gha ala zǝrma, ‘Ngyar ka Yi kǝli ala gǝ kukutǝr fwɛ ata ntsa gɛ,’ aghǝla tǝ sanga saka bangǝlang ata ntsa gɛ?
Utforsk Mata 7:3-4
11
Mata 7:15-16
“Ka gǝri hankal aka nabiyir hawi yarɛ. Dar ada si adzǝ gǝri akwa kutsǝr tǝma, ama akwa ɗǝfu dar apa kǝyar ntaku yarɛ nam aka mi. Atar madar dar gǝri ata zǝndi tǝ dar. Akuya ndǝ adi ada ɗǝm munyar inabi ata fur ntsǝkǝɗa wɛ, wala kanda ata fur angavǝlɛ wɛ.
Utforsk Mata 7:15-16
12
Mata 7:17
Apani tsuwɛ kǝlara fwɛ nam ɗaku ada yai madar nam ɗaku, ama fwɛ nam kulɗa ada yai madar nam kulɗa.
Utforsk Mata 7:17
13
Mata 7:18
Fwɛ nam ɗaku adi ada ya madar nam kulɗa wɛ, ba fwɛ nam kulɗa adi ada ya madar nam ɗaku wɛ.
Utforsk Mata 7:18
14
Mata 7:19
Kǝlara fwɛ nam kura ada ya madar nam ɗaku ndǝ ata dlǝnta tǝni ka ɗalu tǝni akwa u'u.
Utforsk Mata 7:19
Hjem
Bibel
Leseplaner
Videoer