Populære bibelvers fra मत्ती 9

Del

तब उ अपन चेलामन से कहलक, “जइसन खेतमन में अन्न पाइक जाय हे, मगर कटइयामन थोर अहैं। तइसनेहें ढेइर आदमीमन परमेश्‍वर केर संदेश के सुइन के बिसवास करेक ले तेयार अहैं। मगर उमन के परमेश्‍वर केर राइज केर बारे में बताएक लगिन आदमीमन थोर अहैं। से लगिन प्रभु जे खेत केर मालिक हेके उकर से प्रार्थना करा कि उ अपन खेती के काटेक लगिन अपन संदेश के बताएक वालामन के भेजोक।”

से लगिन तोहरेमन जाय के सीख लेवा कि इकर का मतलब हेके। मोंय अपन लगिन बलिदान नी चाहोना मगर इ चाहोना कि तोहरेमन दोसर मनक उपरे दया करा। काले कि मोंय उ आदमीमन के पाप करेक से छोड़वाएक लगिन बोलाएक नी आय हों जेमन खुद के धरमी बुझैना, मगर मोंय उमन के पाप करेक से छोड़वाएक लगिन बोलाएक आय हों जेमन जानैना कि हमरे पापी अही।”

जब यीशु भीड़ के देखलक तो उ आदमीमन उपरे सोगालक, काले कि उमन ठिना उ मनक ठीक से अगुवाई करेक लगिन केऊ हों नी रहे, उमन ठीक उइसनेहें रहैं जइसन बेगर चरवाहा केर भेड़ीमन रहैना, उमन परेशान आउर बेड़ाल रहैं।

जब यीशु इ गोइठ के सुनलक तब उमन से कहलक, “भला चंगा आदमीमन लगिन बाइध केर दरकार नखे, मगर बेमरियामन लगिन दरकार अहे।

यीशु आउर उकर चेलामन गलील परदेस केर कायनों नगर आउर गाँवमन में घुमत रहैं आउर यीशु यहूदी मनक प्रार्थना घरमन में उपदेस देते रहलक आउर परमेश्‍वर केर राइज केर शुभ समाचार परचार करते आउर हर रकम केर बेमारी आउर कमजोरीमन के दूर करते रहलक।