Populære bibelvers fra मत्ती 7

Del

तोहरेमन के जे चाही उके परमेश्‍वर से माँगा उ तोहरेमन के देवी, जेके तोहरेमन खोजबा, उ तोहरेमन के भेटाई, ठोकठोकाबा, तो तोहर लगिन दुरा खोलल जाई।

काले कि जे केऊ माँगेला, उके मिलेला आउर जे खोजेला उके भेटायला आउर जे दुरा ठोकठोकायला, उकर लगिन दुरा खोलल जायला।

जे आदमी मोर इ गोइठमन के सुइन के उकर मोताबिक चलेला, से उ बुद्धिमान आदमी नियर अहे, जे अपन घर केर नेव चट्टाइन उपरे खोदलक।

से लगिन तोहरेमन दोसरमन से अपन लगिन जइसन ब्यवहार चाहाला, तइसनेहें तोहरेमन हों दोसरमन संगे ब्यवहार करा, काले कि मूसा केर नियम आउर परमेश्‍वर केर संदेश के बताएक वालामन केर शिक्षा केर अर्थ एहे हेके।

जे दुरा नान आउर जे डहर में हिंठेक कठिन अहे उ जुग-जुग केर जिंदगी बटे लेई जायला, आउर थोरेक आदमीमन इ दुरा आउर डहर से ढुकैना आउर जुग-जुग केर जिंदगी के पावैना।

तोहरेमन नान दुरा से परमेश्‍वर केर राइज में ढूकेक केर कोशिश करा, काले कि जे फाटक चाकर अहे आउर जे डहर में हिंठेक सहज अहे, उ बिनाश बटे लेई जायला आउर ढेइर आदमीमन एहे डहर से ढुकैना।

जब तोहरेमन खुद बुरा होई के, अपन छउवामन के बेस चीजमन के देवेक जानाला, तो तोहर स्वरगीय आबा अपन माँगेक वालामन के बेस चीजमन के काले नी देवी?

यीशु फिन आगे कहलक, “दोष ना लगावा, ताकि परमेश्‍वर तोहरे उपरे हों दोष ना लगाओक। काले कि जे लेखे तोहरेमन दोसर मनक उपरे दोष लगावला, ओहे लेखे परमेश्‍वर हों तोहर उपरे दोष लगाई आउर जे लेखे दोसरमन से ब्यवहार कराला, ठीक ओहे लेखे परमेश्‍वर हों तोहर संगे ब्यवहार करी।

मगर जे आदमी मोर इ गोइठमन के सुनेला आउर उकर मोताबिक नी चलेला, से उ मूरख आदमी नियर अहे, जे अपन घर बालू में बनालक।

तोंय काले अपन बिसवासी भाई केर छोटका-छोटका गलतीमन के देखिसला, जबकि तोंय खुद तोर जिंदगी केर बड़का-बड़का गलतीमन के नी देखिसला। जब तोर में हें बड़का पाप अहे तो तोके खुद से कम पाप वाला आदमी केर मदइत करेक केर कोशिश नी करेक चाही।

झूठा संदेश देवेक वालामन से सावधान रहबा, उमन भेड़ीमन केर भेष धाइर के तोहर ठिना आवैना, मगर हकीकत में उमन नोकसान पोंहचाएक वाला भेड़ियामन नियर रहैना। तोहरेमन उ मनक काम के देइख के उमन के चीन्ह लेबा। का आदमीमन झूँड़ से अंगूर, या काँटा झूँड़ से अंजीर फार तोरैना?

एहे नियर हरेक बेस आदमी बेस काम करेला आउर बुरा आदमी बुरा काम करेला।

बेस आदमी बुरा काम नी करी आउर बुरा आदमी बेस काम नी करी।

जे आदमी बेस काम नी करेला, उके परमेश्‍वर छाँइट लेई आउर नरक केर आइग में साइज देवी।