Populære bibelvers fra Lǔka 18

Del

Htodě Yeshǔ sǎyṳ nokwicaba lô̌khô akhôphijǎ tokhlǒ pṳ̂̌꤮ taplǎ, dě asî glè̌ sǎphlǒpî̌ tǎ̤ takî̌꤮ tǎ̤mǎ̤ nudě, a hî̌khěkhô̌ bǎ akhôphijǎ tokhlǒ kû̌ yô̤̌sǎ tômû.

Kòyò dǒ Cǒmara rû̌htò̌ a tokhlǒnu, kè̌ a kwi ta̤ma̤jè̌ pṳ̂̌ni̤pṳ̂̌sa hî̌nu, Cǒmara cî̌htò̌ cǒtè̤ bǎ asî tô̤̌mî̌ a ô̌jò pûya? Sô̌sô̌kû̌ a glè̌ ma̤cǒ bǎ kòyò aya nudě a glè̌ ma̤pò̤̌ma̤yo bǎ lû̌û pěya? He hî̌ sî, Cǒmara glè̌ cî̌htò̌ cǒtè̤ phwèphwè asî pě. Bǎbǎkǎlè bǎ Kòyòphû̌khû mî̌ he hè pě akhanu, dǒ hǎkhû̌ pě nu he kè̌shǐ pô̤̌ kòyò tokhlǒ glè̌ ô̌pe lô̌khô kû̌ ta̤yṳ̌ta̤nǎ̤ pě ya?”

Dě Yeshǔ hî̌shěshu kû̌, “Ta̤ dǒ kòyò ma̤jòtô̤̌nu, Cǒmara ma̤jò pwǎ.”

“A jûkû̌ pwa̤mǒ̤ô̌khwè̌ nutôpwa̤ a ta̤kwisǎyṳ pṳ̂̌plǎ tô̤̌ bǎbǎkǎlè dǒnô̌kònu a gènè̤lò̤ tûû̌ anǎ̤ kû̌, ‘he mî̌ kòyò dǒ a ǐsha gû̌ kòyò Cǒmara tô̤̌, bè̌dubè̌nǎ̤ gû̌ kòyò tô̤̌ bǎbǎkǎlè, Pwa̤mǒ̤ô̌khwè̌ hǒtôpwa̤ nî̌, a hèma̤shû̌shǎ sala̤sala̤ he dě he glè̌ kè̌ tîwî̌tòwò bǎkè a pě. He kè̌ ma̤pô̤̌nu tô̤̌ hî̌mî̌, a hè ma̤shû̌shǎ sala̤ he pě dě gutṳ̌lò̤ he lòdô̌lòde kè pwǎ.’”

He hî̌cǒcǒ sî, sî kè̌ nopǒ sînǎ̤ kû̌ Cǒmara, pô̤̌ phijǎphû̌ tokhlǒ nopǒǐ anǎ̤ tô̤̌nu, sî genṳ̌jò dǒ Cǒmara shilǎ̤gǎkû tôkhò̌꤮ tô̤̌.”

Bǎbǎkǎlè Yeshǔ kaǎhè phijǎphû̌ sîtokhlǒ dǒ a ô̌ dě a hî̌ kû̌, “Plûhè phijǎphû̌ nutokhlǒ dǒ he ô̌ bǒo, ma̤dǐdò tǎ̤ asî tǎ̤mǎ̤, ma̤titè̌hî̌dě Cǒmara ashiagǎ numî̌ kòyò dǒ a shò̌lò̤ asǎphlǒ sô̌sô̌kû̌ phijǎphû̌ nutokhlǒ atahǒ.

Yeshǔ hî̌ a kû̌, “Mǐ̤sǎ, lîmò̌꤮. Na ta̤yṳ̌ta̤nǎ̤ ma̤hǎmǎhǒ na hǒ.”

Yeshǔ gwè̌ lû̌û kû̌, “Na cû̌ kaǎ tǒ̤ he kû̌ sarawô̌ ma̤titè? Kòyòwô̌ ô̌ tôpwǎ̤꤮ tô̤̌, a ô̌ pwǎtǒ̤ Cǒmara tôpwa̤ nô̤̌pwǎ.