Populære bibelvers fra GENESIS 3

Del

Ma si maṉa na kini eri ka rikia ’ai eri ani lana ka lea, ma riki lana ka lea ana maana, ’ai na imole kai thathamia fasi liona kai too sulia, kini eri ka bii ṉalia siina foana, ka ania, ka fale lau boo ifana kwaina bi nia, ma ni nia ka ania lau boo.

Ana liona ne too uria lole la, wa aala sii nia e tatha ana do maruki ni sui bana i masuu ki mai, na tha Jihova God e thauwanida. Ma nia ka soree isana kini eri, Iu, tha God e una eri, mado? Kera lufi kamaroa mosi ania foee ’ai eki sui bana i la ra?

Ma nau kwai alua maalimae la imaalutamaroa kini eri, ma imaalutana kwalafamu ma kwalafana; ni nia kai thau mala ana gwaumu, ma ni oe oki thau mala ana bora aena.

Sui nia ka soree isana kini eri, Nau kwai alua taa la ma fi‐wela la na kai thauṉi oe kai oro alaa faamau; ana liodila la oki tharea wela oe ki; ma oki thathamia kwaimu, ma ni nia kai inoto iamu.

Ana iidana maamu oki ania berede, ka fula asi maṉa na toto oki oli lau uri theegano; sulaania kera ṉali oe mai faisia: uria ni oe ṉa do ana gegeona theegano, ma toto oki oli lau uria gegeona theegano eri.

Ma nia ka soree isatha Adam, Uria no fafuroṉoa liṉana ṉata lana kwaimu, oko ania foana ’ai ba na nau ku ṉata fifi sulia isamu na ba, ku una eri, Osi ania foana: taa la kai to fafia theegano inunufamu; ana liodila la oki ania do eki na kai tagwasu mai faisia, afa boṉi eki sui bana noki maruki mai sulia.

Ma nia ka una eri, Ni tei neri ne faaroṉo oe na oko talu? O ania foana ’ai eri na nau ku ṉata fifi sulia isamu na ba, ku sorea soki to faisia ani lana?

Mania e taria kau wane eri; ka alua i maa faisia ra i Itena ibali tae lana thato Kerubimi ma nini ana firua na era ka lamalama i lala, na ka kakariabula suusia tala uria ’ai eri ana marukia.

Ma tha Adam e alaṉia thatana kwaina ani Eve; uria ni nia ṉa thainana toa maruki ni sui bana.