Populære bibelvers fra Génesis 39

Del

Pero joquimbil yu'un Jehová te José, lec c'oht ta loq'uel spisil te bin la spas; nahin ta sna te yajwal, te egipcio-winique.

La ya'be ta sc'ab José spisil bintic ay yu'un, mayuc bin la snop ta yo'tan stuquel, ha nax te bin ya swe'. Te José buen lec sbaq'uetal soc t'ujbil te sit yelaw.

Hich te jcuentahinwanej yu'un te cárcel la ya'be scuentahin José spisil te jchuqueletic te ayic ta chuquel soque. Spisil bin ay ta pasel tey a, ha la spas te José.

La stsac te José, la yotses ta cárcel ta banti ay yantic jchuqueletic yu'un te ajwalil; tey hil a. Pero joquimbil yu'un Jehová te José, la ya'be yil sc'uxul yo'tan soc la yac' te lec ilot yu'un te jcuentahinwanej yu'un te cárcel.

Ta patil, te yihnam yajwal la smulan te José, hich la yalbe: Joquinawon ta wayel, xchi. Pero ma ba la sc'an te José; hich la yalbe te yihnam te yajwale: Te cajwal ya'beyejon ta jcuenta spisil bintic ay yu'un, mayuc bin ya snop ta yo'tan yu'un sbiluc ta sna. Mayuc yan mach'a toyol xan te bin ut'il ho'on li' ta na ini, soc mayuc bin ma ba ya'beyejon ta jcuenta, ha'at xanix te yihnamat. ¿Bin ut'il c'an jpas te bin chopol ini, te ya jta jmul ta stojol te Diose? xchi.

Ay jun c'ahc'al och ta yutil na yu'un ya spas ya'tel, mayuc mach'a tey ay a. Ha yu'un te ants la stsacbe sc'u' te José, hich la yalbe: Joquinawon ta wayel, xchi. Pero hil te sc'u' ta sc'ab te antse, loc' ta ahnel.