Populære bibelvers fra MATEO 8

Del

A'e rumo omboyevɨ gwemimbo'e upe: –¿Ma'erä vo pesɨkɨye eteprɨ? ¡Ndapeyeroyai ete vo Tüpä rese! Oñarapü'a pare rumo Jesús oñe'ë pirätä ɨtu gwasu upe ɨvɨtuai upe aveino, ipare voi ete opa tuprɨ opɨtu'u.

Sundao rerekwar omboyevɨ chupe: –Ani che Yar, ndiyai ete che rëtä pɨpe nde reike agwä; iyakatu ni'ä ko'apeve ereñe'ëño tëi ikwera agwä, evokoiyase nde ñe'ë pɨpe tëi che rembigwai okwerara.

Jesús ndoyembovɨ'ai tëi aipo osenduse, ichui aipo e'i oyeupindar ava re'ɨi upe: –Supiete ndasepiai ete opakatu Israel rekwa pɨpe vɨreko va'e yeroyasa che rese inungar ko mbɨa.

Evokoiyase Jesús sundao rerekwar upe aipo e'i: –Eso nde rëtäve, ipare tayaposa mba'e ereroyagwer va'e rupi. A'e pɨpeve sembigwai okwera tuprɨ.

A'e evokoiyase, ndoyembovɨ'ai tëi, oporandu oyeupe yuvɨreko: –¿Uma pi'ä ko sekoi, ɨvɨtu paragwasu avei omboyeroya yuvɨreko no?