Populære bibelvers fra Mataio 14

Del

E dasmer abele au uag, a E geum ge, epe ditimedlu a badimedlu, a ereretikri, kega, Abele Opole ae, ma kari uerkaben. Ege Iesu de tag itrimuriklu, a abi erpeilu, a abim kega, Mama le kebikebi oituli, nalugelam mama asared?

E dasmer abele au uag, a E geum ge, epe ditimedlu a badimedlu, a ereretikri, kega, Abele Opole ae, ma kari uerkaben.

Ege Iesu de sobkak uiabi daratagerare, kega, Uaba nerkep au saserim, kakanali, nole geum kak.

Epe Peteru abim detaut, kega, Opole ae, ese mamanali, ma kari natager kaka bakeam marim tumem abele gur ge. Ege E abi detager, Ma tabakeam. Ege Peteru eupumalu abele narlam a ekasereder tumem abele gur ge, E bakeamulu Iesuim.

Ege uader le muige abele nar tabakeuare abim esorgiru, a mer kega, Ageukar mamanali Ade ra Uerem.

Epe Iesu uiabim detaut, Nole abkoreb uiaba bakeuare; ua naisuerare, leuer, a uiaba erolare. Ege uiaba abim detautare, Meriba nole leuer kak ike, epe no areto faif, a neis lar.

E uiabim detaut, kega, Karim tais ike. E uiabim detaut abele gaire le lakub, Uaba eidi abele soge ge; E tais faif areto, pako neis lar, a edimrualu abele kotor, a esoao, a ko areto itur, a naisuerare tabara kaimeg giz, a abara kaimeg giz naisuerare abele le lakub.

Ege uiaba eroare, a kem osomeda ui uridili, a ui aratare kaier, tuelf gaire epei mitkar.