Populære bibelvers fra मरकुस 6

Del

तब ईसू हर ओमन ला कहीस, “हमरे कोनो सुनसान जघा में जाए के चटिक बिसोए लेई।” काबरकि ढेरेच मईनसे मन ओजग आत-जात रहीन अऊ ओमन ला खाएयोच कर मोका नई मिलत रहीस।

ईसू हर ओमन ला कहीस, “कोनो अगमजानी हर अपन गांव, कुटुंब, अऊ अपन घर कर छोंएड़, दूसर सब जग माएन-मरजाद पाथे।”

ईसू हर डोंगा ले उतेर के बड़खा भीड़ ला देखीस अऊ ओमन कर उपरे सोगे होईस, काबरकि ओमन बिगर चरवाह कर भेंड़ी मन कस रहीन, तेकर ले ईसू हर ओमन ला ढेरेच अकन बात सिखाए लागीस।

ईसू हर उहां ला कोनो चमत्कार करे नई पाईस, सिरीप तनिक बेमरीहा मन कर उपरे हाथ ला मड़हाए के ओमन ला चंगा करीस। त ओमन कर अबिस्वास ला देख के ओहर अचमहों होईस, फेर ईसू हर चाएरो खूंट कर गांव में जाए के उपदेस देहत रहीस।

तब ईसू हर ओ पांच ठे रोटी अऊ ओ दुई ठन मछरी ला लेहीस अऊ सरग कती ला देख के परमेस्वर कर धनबाद करीस अऊ रोटी ला टुटकाए के अपन चेला मन ला देहत गईस कि ओमन मईनसे मन ला परोसें अऊ दुनो मछरीयो ला टुटकाए के सब झेला बांएट देहीस। ओ सब झेमन खाए के अघाए गईन, तेकर चेला मन बांचल अऊ गिरल-परल रोटी अऊ मछरी कर टुटका ला बारह टुकनी भएर के उठाईन।