Populære bibelvers fra लूका 9

Del

तेकर ईसू ओमन ला कहीस, “जे कोनो मोर चेला बने बर चाहथे, ओके अपन ईछा ला छोंड़े बर परही, अऊ सगर दिन अपन कुरूस उठाए के, मनेकि दुख सएह के मोर पाछू में चले।

अगर तुमन अपन जिनगी ला बचाए बर चईहा, त तुमन अमर जिनगी ला गंवाए देईहा। बकिन अगर तुमन मोर बर, अपन जिनगी ला गंवाए देईहा, त तुमन अमर जिनगी ला पाए जईहा।

ईसू हर ओके ला कहीस, “जे कोनो हर नांगर कर मुठीया ला धएर के, पाछू कती ला देखथे, ओहर परमेस्वर कर राएज कर लाएक नईए।”

अगर कोनो मईनसे हर सबेच संसार ला पाए के, परमेस्वर कर संगे अमर जिनगी ला गंवाए दारही, त ओके का फयदा होही?

जे कोनो हर मोके अऊ मोर गोएठ ले लजाही, त मंए मईनसे कर बेटा, जे घनी अपन दाऊ कर, अऊ पबितर सरगदूत मन कर महिमा संगे आहूं, त ओमन जग लजाहूं।

फेर ईसू हर कहीस, “सिटका मन कर रहे बर माड़ा, अऊ अगास कर चराई मन बर तो खोंता रथे, बकिन मंए, मईनसे कर बेटा मोर बर बिसोए कर जघोच नईए।”

अऊ ओमन जग कहीस, “जे कोनो मोर नांव में, ए लईका ला अपनाथे, ओहर मोके अपनाथे, अऊ जे कोनो मोके अपनाथे, ओहर मोर दाऊ जेहर मोके भेजीस हवे ओके ला अपनाथे, काबरकि तुमन में ले जेहर सबले छोटे हवे, ओही हर सब झन ले बड़े हवे।”