Populære bibelvers fra यूहन्ना 16

Del

मंए ए गोएठ ला तुमन ला एकर बर कहे हों, ताकि तुमन कर मोर संगे जे नाता हवे, ओकर चलते तुमन के सांती मिले। ए संसार में तुमन के दुख तकलीफ मिलथे, बकिन हिमेत राखा मंए संसार कर ऊपरे जय पाए हवों।

बकिन जब ओ सचाई कर आत्मा आही, त ओहर तुमन ला पूरा सचाई कर डगर ला देखाही, काबरकि ओहर अपन कती ले कांही नई कही, बकिन जे जाएत सुनही, सिरीप ओही ला कही अऊ अवईया बात मन ला तुमन के बताही।

अझेर ले तुमन मोर नांव ले कांही नई मांगे हवा, मांगा त पईहा, ताकि तुमन कर आनंद पूरा होए जाही।”

तबोले मंए तुमन के फूरोंच में कहथों कि एहर तुमन बर बढ़ियां हवे कि मंए जाथों। काबरकि अगर मंए नई जाहूं, त ओ मदेत करोईया हर तुमन जग नई आही; बकिन अगर मंए जाहूं, त ओला तुमन जग भेजहूं। अऊ जब ओहर आही, त संसार कर मईनसे मन ला बताही कि पाप का हवे, परमेस्वर कर देख में सत का हवे, अऊ परमेस्वर हर काकर नियाओ करही।

ओही कस अझेर तुमन के दुख होवत हवे, बकिन मंए तुमन जग फेर भेंटाहूं, त तुमन आनंद मनईहा अऊ तुमन कर आनंद ला कोनो छीन नई सकही। ओ दिन तुमन मोर जग कांही नई पूछीहा। मंए तुमन के फूरोंच में कहथों, जे जाएत तुमन मोर नांव ले दाऊ जग मांगिहा, त ओहर ओला तुमन के देही।

मंए तुमन ला फूरोंच में कहथों, कि तुमन रोईहा अऊ ढेरेच कलफिया, बकिन ए संसार कर मईनसे मन खुसी मनाहीं। तुमन के दुख होही, बकिन तुमन कर दुख हर आनंद में बदेल जाही।