Populære bibelvers fra परेरीत 2

Del

पतरस हर ओमन ला कहीस, “अपन पाप ला छोंएड़ के मन फिराए लेआ अऊ तुमन सबेच झन अपन-अपन पाप कर छमा बर, ईसू मसीह कर नांव में बतिस्मा लेआ, तब तुमन पबितर आत्मा कर दान पईहा।

ओ तीन हजार बिस्वास करोईया मन, परेरीत मन जग ले सिक्छा पात रहीन, अऊ संगती करत रहीन अऊ रोटी टोरत रहीन, अऊ पराथना करत रहीन।

अऊ ओमन सब झन पबितर आत्मा ले भरपूर होए गईन, त जेकस आत्मा हर ओमन के गोठियाए कर सामर्थ देहीस, ओमन अनजान भासा गोठियाए लागीन।

अऊ अचाकन अगास ले ढेरे बड़खा गररा-घांटा कस सरसराए कर अवाज आईस अऊ ओकर अवाज ले सब घर हर, जिहां ओमन बईठे रहीन झनेक गईस। अऊ ओमन ला आगी कर जीभ मन सहींक फाटत देखार देहीस अऊ जेतना झन बईठे रहीन, सब झन कर उपरे ओहर आए ठहरीस। अऊ ओमन सब झन पबितर आत्मा ले भरपूर होए गईन, त जेकस आत्मा हर ओमन के गोठियाए कर सामर्थ देहीस, ओमन अनजान भासा गोठियाए लागीन।

ओमन सगर दिन एक मन होए के, मंदिर में जूटत रहीन, ओमन अपन-अपन घर में रोटी टोरत, आनंद अऊ मन कर सीधाई ले, एक संगे होए के खात रहीन। अऊ ओमन परमेस्वर कर इस्तुती करत रहीन, अऊ सब मईनसे मन ओमन ले खुस रहीन अऊ जेमन उद्धार पावत रहीन, ओमन ला परभू हर सगर दिन ओमन कर संगे मेराए देहत रहीस।

“परमेस्वर हर कथे, आखरी दिन में अईसना होही कि मंए अपन आत्मा ला, सबेच मईनसे मन कर उपरे उड़ेलहूं, अऊ तुमन कर बेटा अऊ बेटी मन अगमबानी करहीं, अऊ तुमन कर जवान मन दरसन देखहीं, अऊ तुमन कर सियान मन सपना देखहीं।

अऊ सब बिस्वास करोईया मन एक संगे रहत रहीन, अऊ ओमन कर सब जाएत हर, सब झन कर सझियारा में रहीस। अऊ ओमन अपन-अपन संपती अऊ समान ला बेंच-बेंच के, जेके ला जे जाएत कर जरूरत परत रहीस, ओही कस बांएट देहत रहीन।

अऊ जे कोनो परभू कर नांव लेही, ओही हर उद्धार पाही।”

परभू कर महान अऊ महिमा कर दिन आए ले आगू, बेर हर अंधार अऊ जोन हर लहू कस होए जाही।