Populære bibelvers fra Matta 5

Del

A̱yin a̱n tyyi rong an fitila a̱ sook ryei a̱n kup ba, seko na̱ za̱ yrek a̱ sak tebur zi gi sai ba̱nyet ka̱ryi ba sa̱rei. A̱mi meyang yi ma̱ nin tyyi ka̱bvwa sai i ba̱nyet ba ba ga ryi a̱tsatsak nkyang u yi yya ni a̱ dyep A̱tyyi nyin nu a̱ shyi Tazwa ka ni.”

“Yi ryi di fitila ni i ka̱sa ka. Ka̱nkrang ka ba nok a̱za̱ a̱gut i a̱ shyi i nyat ba.

Ba̱nyet ba a̱ byyi dizizrak a ndya ni a̱ byyi ba̱gwai, rot ba ni ryi Ka̱za!

Ba̱nyet ba a̱ tyyi ndya mba i yya kyang a Ka̱za ka cat da̱ mba ni, ba shyi bu ba̱gwai, rot Ka̱za a̱ ma̱ ni ba̱ yya kyang a ba cat i sa̱rei!

Ma nzuk n hywa da̱ nyin, yi gwai ba̱ra̱ndwan nyin, ba̱nyet ba a̱ yya da̱ nyin ni yi ba̱ yya a̱duwa.

“Ba̱nyet ba a̱ bvwo di ba byyi dizot a ndya mba ni a̱ shyi bu ba̱gwai, rot Dityok Tazwa ti yet ti mbaa!

Ba̱nyet ba a̱ tyyi ndya mba i jyi swat ba̱nyet i a̱ byyi ba̱gwai, rot Ka̱za a̱ ni ba̱ yei na̱won nka!

Ba̱nyet ba a̱ shyi i ka̱nak i a̱ byyi ba̱gwai, rot Ka̱za a̱ ni ba̱ wram!

Ba̱nyet ba ba yya da̱ mba rot ba yya kyang a Ka̱za ka cat da̱ mba ni a̱ byyi ba̱gwai, rot Dityok Tazwa ti yet ti mbaa!

Ba̱nyet ba a̱ pfong dizot ba̱nyet i a̱ byyi ba̱gwai, rot Ka̱za a̱ ma̱ ni hok dizot mba!

“Ka̱ram ka ba̱nyet ban ya pfwei a̱ yya da̱ nyin a̱ ya bvei kozan diraa rot yi n tssup ni, yi gwai. Yi gwai i shyi bu shok, rot yi shyi ba̱ a̱gba̱dang nzang Tazwa. A̱mi ba yin yya bu ba̱nyet tyyei ba̱ryat Ka̱za ba a̱ yin ya tason ni.”

Ba̱nyet ba a̱ wi yet a̱ccu mba ni a̱ byyi ba̱gwai, rot ba ni san kyang a Ka̱za ka rop a̱ sak a̱ ni ba̱ ryi ni!

“Yi ryi di ntwak ni ka̱yat ba̱nyet ka̱sa ba. Ma ki ntwak a tyak ryen nna na na bo yet ntwak ba, seko ba na̱ weyang, ba̱nyet a̱ shai a̱ swrap.

Dolet yi yet ba̱jyem ba̱nyet da̱ A̱tyyi nyin nu a̱ shyi Tazwa ka na̱n yet a̱jyem ni.”

Kyang a maai yi hywa ‘Ee’ ni yi hywa ‘Ee’, ki ku ma̱n yet ‘Kaai’ yi hywa ‘Kaai’. Kyang a seyak a̱mi ni yet nying Ka̱ta̱nyrang.”

“Yi hok ba yin hywa, ‘Ki a̱yin a̱ na̱ tun dissi, a ma̱n ku tun ni; ki a̱ na̱ tun dinyyi, a ma̱n ku tun ni’. Ma nzuk n ya tyyei: Ryok yya a̱yin nu a̱ na̱ yya na̱kpot ni na̱kpot ba. Ki a̱yin a̱ na̱ zzu i shok yring a bu ku brak yring a na̱ zzu.

Rot a̱mi ki dissi mbvak yak nwan ni na̱ tyyi a nwa a a̱ka̱tukyya, goma a ta̱ tun jing. Ku ran a wai ka̱bvwa i rwam nwan, di a nwa ka̱yat ndong bu rwam nwan ba̱cicrak. Ki bvak yak nwan ni tyyi a nwa a a̱ka̱tukyya, a kpo tyet jing. Ku ran a jing kap yring nwan, di a nwa ka̱yat ndong bu rwam nwan na cicrak.”