Populære bibelvers fra Zâŋ 16

Del

Mi saɓay nɔ́ hí̧ wǎyri too, ɓay i ziŋ a vónáké ka ŋgboro a mǐ. I e tɔ́ʼɔsêe ka tísiri, dáy í ŋgbá ɓá kpúnáké, ɓayhí̧lé mǐ, mí ndé tísiri ka ŋgɛ́rɛ.»

Gelka Têm a gbátɓay mí gíy, ké e tɔ́ʼɔ ŋgboro gbátɓay a Gáŋvbôn too hí̧ wǎyri. Ɓayhí̧lé ké tí saɓay a tûlé hí̧ wǎyri yá, ké e saɓay a hɛ̧ri̧ too a ké láy, a saɓay a hɛ̧ri̧ ka e gínay hí̧ wǎyri.

Ka̧ ŋgɛŋnɛ́ i zi vbí hɛ̧ a há̧na mbêw ka rɛŋ ní nyá ɓáy. Í vbí, i e ziŋáké, ɓay a law a wǎyri ké mbá a lawrína.

Dáy, mi sa gbátɓay hí̧ wǎyri: Bel ndé ɓá mi kála ɓay a wǎyri, ɓayhí̧lé mǐ, mí zi kála yáy, njuku ka e gí hí̧ndɔ̂ʼɔ hí̧ wǎyri, tí gína yá, dáy mǐ, mí kálay, mi e pé nɛ́ gí hí̧ wǎyri. Gelka, ké mí gíy, ké e ŋgburu hɛ̧túna a njuku a tísiriri sé tûl ɓékéhɛ̧, péna a ndáráké rá̧ walɓay a Gáŋvbôn.

Wǎyri kɔ́, ŋgɛŋnɛ́ i e ɓil lawyíra, dáy mi e regí, a goló law a wǎyri e mbá ka sáʼa, njuku a há̧na mbêw, ma lú lawrínaké yá. Sêeké nɔ́, í tí vbí mí ɓay a há̧na mbêw mbaa. Katína, mi kaw sa hí̧ wǎyri, hɛ̧ ka i vbí Bâa a mǐ ka rɛŋ ní, ké e hí̧ wǎyri.

Katína, mi kaw sa hí̧ wǎyri: I e vúna, a oromûn a wǎyri, dáy njuku a tísiriri e kaw ka mûnrína. A wǎyri, i e kaw ka lawyíra, nǎŋnɔ́ lawyíra a wǎyri e refére tɛ̧́ mûnrína.