Populære bibelvers fra Zâŋ 12

Del

Njuku mí zi ɓay a niŋ péna a mǐ lé, ké tɔ́ŋ mí, rá̧ gelka mi e kawrúy, ké e kawrú kɔ́ kuu mǐ. Nǎŋnɔ́ Bâa a mǐ e hí̧ ɗéla hí̧ njuku ka kaw ɓá njuku péna a mǐ.»

Njuku ka zi ndísɛ̌ʼɛ a mɛ̌, ké e pɛ̧ra̧ké. Dáy a njuku ka kó ndísɛ̌ʼɛ a mɛ̌ ɓá hɛ̧ a ɓǎŋké ka tísiri nɛ́, ké e ziŋ ndísɛ̌ʼɛ a nûnalê ka ma ɔna bɔʼɔ mbêw yáy.

Katína, mi sa hí̧ wǎyri: Mɛ̧rɛ̧ hɛ̧pay kaw mbêw yáŋ, a ké mí zi vbú tísiri ka hú yáy. Dáy ké mi húy, ké e hí̧ léna ɓá a ŋgɛ̧́náké.

Mi gí ɓá báŋa geltáŋa gí tísiri, rá̧ njuku too ka láɓulaw hí̧ mí, ké kaw ɓil tirí̧ma nyá.

Njuku mí láɓay a mǐ rá̧ a mí zi koro yáy, zi tí ɓá mǐ pé e walɓay kɔ̧ tûlé yá, ɓayhí̧lé mi zi gí walɓay kɔ̧ tûl a njuku ka tísiri yá, mi gí ɓay a pɛ̧́ njuku a tísiriri.

Marí kó nǎŋ, a mbí kuu mára̧ yámbó a kú niŋ ka dii nár a béláké ka lariké ŋgbɔ́rɔ mambáy, ŋgɛ̧́náké mambɛ̧́nɛ́ kuu lawgel a litɛrɛ mbêw, a gí fere kɔ̧ bɔʼɔ a Zezú. Falké, ké táʼa tûl bɔʼɔ a Zezú ka tâny tûlé, dáy ba̧ny yámbóké fɔ̧ nyá ɓil vûn too.

a kú fɛrɛ pâmndɔ̂ʼɔ dii mára̧ mburu, a sé nyá Zezú. Kú vbá̧nzáʼa a sa: «Hɔ̧́na ké hí̧ Gáŋvbôn! Gáŋvbôn ké ɗí béla kɔ̧ tûl a njuku ka gí ka rɛŋ a Gáŋmbây, Mbây a Izirayɛ́l!»

Zezú resa hí̧ kuriri ɓá: «Sêeké ka̧ dá, ka Gun a njuku e ziŋ hɔ̧́nay.