Populære bibelvers fra युहन्‍ना 2

Del

येशूये जाट्‍च अचम्‍मौ चीन्‍हको मढ्‍याङ इसे पहीलो चीन्‍ह होसकै गालीलुङ काना सहराङ जाट्‍च हो। इटजाट्‍न होसकै लहो महीमा टान्‍हाका, र होसकुङ चेलाकै होसको मीटाक विश्‍वास जाटा।

येशूये डेया, “मोइ, ङै ही जाट्‍की पर्‌ले नाकै ङाकी डेकी मापर्‌ले। ङौ समय अझसम्‍म मार्‍हामने।”

येशूये नोकरकोलाक डेया, “इसे घ्‍याम्‍पाको डीये न्‍हेपाक्‍नी।” होखुरीकै होसे घ्‍याम्‍पौ मेङेरसम्‍म न डीये न्‍हेपाक्‍ङ याहा। होटै न्‍हुइङ येशूये होखुरीककी डेया, “इसे चेक्‍जा वाकार भोजुङ मुखीयाकी म्‍याङ्‍की आल्‍न्‍ह यान्‍ही।” अनी होखुरीकै आल्‍हार याहा।

येशूये होखुरीककी डेया, “इसे परमेश्‍वरौ मन्‍दिरकी भट्‍कडीनी, अनी ङा इसकी फेरी सोम याकाङ खास्‍न याल्‍हे।”

टब येशूये काट कोर्‌रा खासा, अनी होसे पट्‍ट न भेडा र ठोरकोलाक परमेश्‍वरौ मन्‍दिर लकीङ बाहीर लगारीया, पैसा योस्‍चकुङ टेबुलको पल्‍टडीम याहा र सीक्‍काको भेरेट्‍न याहा। अनी होसकै ढुकुरको आर्‌लाच भर्मीकोलाक डेया, “इसे पट्‍ट ठोक इला माडानी! ङौ बोयो इमकी ब्‍यापार जाट्‍च ठाउँ माखास्‍नी!”