Populære bibelvers fra Matie 16

Del

'N Zezwii yiɛ 'ɔ ‑gänɩwaa 'dɩ 'nyɛ nɩɩ: «‑Ɔ ‑kä ɔ ‑kaa ‑gänɩɩ, ɔ nɩ ‑sɛ ɔnyɩ dlɩ. Ɔ nɩ ‑su 'ɔ 'klʋkʋnɩsuu ɔ ‑kaa ‑gänɩ.

Sɛ'ɛ n nyamöä 'dɩ nɩɩ, n laamöä Piɛlɩ, mɩɩ sɛɛ zɛmö nɩɩ kpayi. ‑Nmö kpayi, ‑nmö n 'kää na ‑nʋa 'klʋ 'wlu 'titanɩ. 'Kwie a'bhë 'naa 'kʋä ‑gömö bhɛnɩ.

'Pɩwʋ mää Lagɔ 'kämanɩɛ a laklɩɩ, ‑nmö Piɛlɩ, ‑nmö n 'kɛ yowʋ 'nyɛ. 'Saa ‑n 'kää mä'ä dʋdʋ'wʋ gwaa, wʋ yi ‑mä zlɩ 'mö ‑gwa. 'Saa ‑n 'kää mä'ä dʋdʋ 'wʋ bulonɩɩ, 'wʋ yi ‑mä ghäyɩ 'wʋ ‑bulonɩ.»

Ɛ'ɛ ‑bhö nyɩasɛ, ‑maa ‑ɔ ‑kä 'ɔ pɩwʋʋ 'wʋ gwɩ ɔ 'käa 'pʋ a za‑a, mɔɔ 'kää 'yli bhɩɛ. ‑Maa ‑ɔ ‑kä ɔnyɩ dlɩ ‑sɛ ɔ 'kä na gbʋ 'mö 'kuu, ɛ nɩkpɛ 'la, mɔɔ 'kää 'pʋ.

Sɛ'ɛ n gbää nɩɩ, ‑n ‑kä mä'ä 'pɩwʋ a ‑lii 'wuë ghlɩ, n‑n ‑käa'a 'ku 'wëë, ‑lɛ a ‑li 'la, yɩ'ɩa'a dɛsɛ ‑kä ‑na dɔ'wʋ. 'Saa nɩkpɛ 'kää 'wäla ɔ tɩa 'ku a za‑a, wʋ'ʋä ‑bhölɩ.

Zezwii lɛ naa: «Miɛ abhlɩ, ‑maa a'bhï, a dɔ'wʋ ‑mɔ n glɩnɩ bhä 'nɩ?» Ɔ 'yɩbhʋää sa'a nimïï, 'n Simɔɔ Piɛlɩ yiɛ gbʋ ‑dɩ, ɔ lɛ naa: «Kliisɩ, Puënyɔɔ Lagɔ ‑sɛɛ ‑lɛ, Lagɔ ‑ɔ ‑bhölɩ a Yowli, mö ‑n glɩnɩɛ.»

Ɔ gbää sa'a, Zezwii lɛ naa: «Zonasɩ ‑yowli Simɔɔ, 'mäna nɩ lɩbhamö. Ɛ'ɛ ‑bhö nyɩasɛ, ‑maa wɛlɩɩ ‑n bhïlaa dɛ'ɛɛ, nɩkpɛɛ ‑nɩmiɛ kɛ 'klʋ kälɩnɩ, ‑maa na dɩba ‑ɔ ‑wʋä ‑mä zlɩ 'möö, mɔɔ kälɩnɩmiɛ kɛ 'klʋ.