Populære bibelvers fra John 6

Del

Quoʼ Jesus to them, “I am the Breid oʼ Life! wha come to me sal hungʼer nae mair: and wha lippens on me sal be drouthie nevir!

“The Spirit gies folk life: the flesh is nae profit: my words that I gie ye are spirit and are life.

“Seek‐na for perishin meat, but for that meat that bides until Eternal Life, whilk the Son oʼ Man sal gie ye: for him has the Faither, eʼen God, sealed.”

“And this is his wull wha sent me:— That ilk ane seein the Son, and lippenin on him, may win Life for Aye; and I sal raise him up at the Last Day.”

Jesus answerʼt them and said, “This is Godʼs wark, that ye lippen on him God has sent.”

“They aʼ come to me that the Faither gies me; and wha comes to me, nevir in onygate wull I caʼ him awaʼ!

Quoʼ Simon Peter, “Wham soud we gang till? It is ye wha hae the words oʼ Eternal Life!

“The Leevin Breid that cam doon frae Heeven is mysel; gin ony man eat this Breid, he leeves for Aye: and the breid I sal gie is my flesh, that I wull gie for the warldʼs life.”

“Nae man comes to me, gin the Faither wha sent me dinna draw him: and I wull raise him again at the Last Day.

“For Godʼs Breid is he wha comes doon oot oʼ Heeven, and gies Life to the warld.”

“That Breid oʼ Life am I!

And Jesus took the bannocks, and whan he had gien thanks, he gied to the disciples, and the disciples to them that war sutten doon; and eke oʼ the speldrins, as mickle as they wad. Whan they war aʼ satisfyʼt, quoʼ he to his disciples, “Gaither up the mools and bits that are ower, sae that thar be naething wastit.”

And whan they had rowʼt thrie or fowr mile, they see Jesus walkin on the loch, and comin nar‐haun till the smack; and they war frichtenʼt. And he spak up to them, “It is I! be‐na frichtenʼt!”