Populære bibelvers fra Acts 2

Del

And Peter said, “Repent ye, and be bapteezʼt iʼ the name oʼ Jesus Christ — for the pittin‐awaʼ oʼ yere sins; and ye sal win the gift oʼ the Holie Spirit.

And they bade steive iʼ the teachinʼ oʼ the Apostles, and in fellowship, in the breckin oʼ breid, and iʼ the prayers.

And they war aʼ fuʼ oʼ the Holie Spirit, and spak wiʼ ither tongues, as the Spirit gied them words.

And aʼ of a suddent cam the sough oʼ a michty rushin wunʼ, and it filled aʼ the place whaur they sat; And thar was seen amang them like dividit tongues oʼ fire, on ilka ane oʼ them. And they war aʼ fuʼ oʼ the Holie Spirit, and spak wiʼ ither tongues, as the Spirit gied them words.

And day by day, bidin aye thegither iʼ the Temple, and breckin breid frae hoose to hoose they did tak their meat wiʼ blythe and aefauld hearts; Laudin God, and haein gude‐wull oʼ aʼ the folk. And the Lord addit daily oʼ the saved.

“ ‘And it sal be iʼ the hinnermaist days, says God, I teem oot my Spirit on aʼ flesh; and yere sons and yere dochters sal prophesie, and yere young men sal see visions, and yere auld men sal dream their dreams.

And aʼ the believin anes war thegither, and had aʼ things throwe‐ither. And they sellʼt their mailins and haddins, and portioned aʼ oot, as ony ane had need.

“ ‘And it sal be, that ilka ane wha sal caʼ on the name oʼ the Lord sal be saved!’

“ ‘The sun sal turn to mirkness, and the mune to blude, afore the comin oʼ the day oʼ the Lord — the great and notable day!