Populære bibelvers fra Málɩ́kɩ 16

Del

Lé ɔ́ srʋ á, ɔ́ anɩ́: «A mʋ bhlɩ́ɛ́ fɩ́ɛ́ jɩ̀ lé a sa mɔ̀ɔ a nyʋaá fɩ́ɛ́ Lagɔ a Námadìè.

A dʋdʋ̀ pápalɛɛ́ ɛ̀ nà kà nɩ lé nyʋa ká ná kʋjɩ̀nyʋ̀àà yɩbhlɩ a. Ná ŋnɩ́ɛ́ mʋ́, á yi nyumozìzi jɩ́ɩ lé á yi sáà niwɔlɩ yalɩ cí. Á yi bɛbɛlɩ wlɩ kʋ́ bhli. Áa nɩ mná pʋ́áyɩ́zɩ̀nyu a, ɛ nɩ́ ka a lɛ́ nɩ. Á yi gupuonyʋa glɔ̀gbɩ́ jɩ̀ gbɛ lé á yi yalɩma.»

Nyɔɔ́ nɩ̀ bhɩ́ɩ́ cɩ́cása kʋ́, lé ɔ̀ nɩ̀ ŋwʋ́ nyú wlú a, ɔ́ yi ʋ́ neé wlʋ́. Mà nyɔɔ́ ɔ̀ nɩ́ɩ́ lɛ́ cɩ́cása kʋ́ bhá a, ɔ nɩ́ ka ʋ́ neé wlʋ́.

Ɔ́ kʋjɩ̀nyʋ̀àà mà, á soglù lé á námnɩlɛ yɩ́ bhlɩ́ɛ́ fɩ́ɛ́ a mnɩ́ lé á sa yɩ́ Lagɔ a Námadìè. Kanyɔ falɛ la má kʋ́ wɔlɩ́ɛ́ fɩ́ɛ́ a mnɩ́. Dááfɩ́ɛ́ á fa Lagɔ a Námadìè a, á nie la lɛ̀wɔ̀lɩ. Ɩ́ ka ŋnɩ́ lé nyʋa bhá la Námadìè cɩ́cása kʋ́.]

Mà zɔ̀kpɩ́yʋɔ́ ŋwʋ́ á duo mnɩ́ lé ɔ́ srʋ á, ɔ́ anɩ́: «Ŋanɩmɛ ná bhlá amɔ mà Nazalɛ́tɩ a nyɔɔ́ Zozíi, á kʋ la kúsuó jɩ̀ a, ɔ́mɔ́ a nɩ mʋ́mɔ a. Ɔ nɩ́ yɩ́ dɛ́ kʋ̀, ɔ́ ya galɔ̀. A dʋdʋ̀, dɛ́ á púo la mɔ́ a bhʋ́ kʋ̀ dɛ́.

Ɩ́ kʋ bhlà á neé bhè, á mʋ dʋdʋ̀ kà a, cókʋɔ́ ʋ̀ nɩ́ yúó a ghlíbhi cɔ́kʋ ŋwɔ́ɔ a, cɔ́kʋ kádʋ, ʋ́ ya bhísielo ʋ́ ya lésuó né kʋ́ wlʋ́. Lé ŋwnáá pla lésuó a mnɩ́. Mà á mʋ dʋdʋ̀ kà a, á lilie kʋ́ zɔ̀kpɩ́yʋ bɔ́ɔ ʋ́, ɔ́ pla bànɩ pápá mʋ́. Á yɛ́ ɔ́ a, duo wlʋ́ á mnɩ́.