Populære bibelvers fra Juan 13

Del

»Mʉʉba waubi b̶uu bed̶ea wid̶i machimaa jaraaruu: ãrea kʉ̃ria nureásturu. Mʉʉba machi ãrea kʉ̃ria b̶uu kĩra machi sid̶a arab̶aud̶e chiya kʉ̃riásturu. Maka chiya kʉ̃ria duanuubʉrã, jomaurãba kuitaad̶ai machi mʉ baara nibabadau».

Mʉ chi Mechiuba maud̶e machimaa Jaradeabariiba, machi jʉ̃rʉ jeraasiid̶eeba machia bid̶a chiya jʉ̃rʉ jeraad̶ai panuu. Mʉʉba jãka unubiasii machi chiya aid̶ad̶amera.

Jesusba panausii: —Mʉʉba wau b̶uu bichiba anakʉd̶e kuitaawẽebʉrã maamina jãad̶akare kuitaai.

Mʉʉba biawãra jaraaruu: Chi chibari baita bari trajabarii ab̶a bid̶a ichi chibari audeara mechiu niiwãe. Chi ichi bʉid̶a chi bʉid̶a audeara mechiu niiwãe. Bari trajabariiba waubarii kĩra mʉʉba waubariid̶eeba, machia bid̶a ara mau kĩra waud̶ai panuu.

¿Ũrisid̶aka? Maka wauduubʉrã biawãra biꞌia panad̶ai.

Maamina ãchi kewaraa komaa panuud̶e jiraduped̶a ichiba anab̶ari jʉ̃barii ẽesii. Maabae kakua poabarii adauped̶a kʉrrd̶e jʉ̃sii. Kuurud̶e bania jui adauped̶a ichi baara nibabadaurã jʉ̃rʉ jeraasii. Ãchi ab̶aab̶aa jeraaped̶a ãchi jʉ̃rʉ maud̶e chi kakua paru poabibariiba poakuasii.