Populære bibelvers fra တမၢၼ်ႇ​ၸဝ်ႈ 9

Del

ၸဝ်ႈ​ၽြႃး​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ မႂ်း​ၵႂႃႇ​တႃႉ။ ၵေႃႉ​ၼၼ်ႉ​ၸမ်ႉ၊ ပဵၼ်​ၶိူင်ႈ​ပိူင်​ဢၼ်​ၵဝ်​လိူၵ်ႈ​ၵဵပ်း​ဢဝ် ႁႂ်ႈ​လႆႈ​ဢဝ်​ၼႃႇ​မႃႉ​ၸိုဝ်ႈ​သဵင်​ၵဝ်​ၵႂႃႇ​သူင်ႇ ၵႃႈ​တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢိၵ်ႇ​တင်း​ၶုၼ်​ႁေႃ​ၶမ်း တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။

မၼ်း​ၼၼ်ႉ လူမ်ႉ​ဢူပ်ႇ​ပူပ်ႇ​ၵႃႈ​ၼိူဝ်​လိၼ်​သေ​လႄႈ လႆႈ​ငိၼ်း​သဵင်​ဢၼ်​လၢတ်ႈ​တေႃႇ​မၼ်း​လႄႈ​ဝႃႈ၊ သေႃးလူႉ ​ဢိူၺ်း၊ သေႃးလူႉ ​ဢိူၺ်း၊ ႁဵတ်း​သင်​လႄႈ မႂ်း​ၼႆႉ​ၼိၵ်ႈ​ၸၢၵ်ႈ​ငႅၼ်း​သႄး​ၵဝ်​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊- မၼ်း​ၵေႃႈ​လဝ်ႊ​ထၢမ်​လႄႈ​ဝႃႈ၊ ၸဝ်ႈ​ႁဝ်း​ပဵၼ်​ၽူႈ​လႂ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။ မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ၸမ်ႉ၊ ပဵၼ်​ ယေႇသူႉ ဢၼ်​မႂ်း​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​ဢေႃႈ။

ဢႃႇၼၼီႉ ၵေႃႈ​ၵႂႃႇ​လႄႈ ၶဝ်ႈ​ၵႃႈ​ၼႂ်း​ႁိူၼ်း​ၼၼ်ႉ​သေ​ယဝ်ႉ၊ ဢဝ်​မိုဝ်း​တူဝ်​ၸဝ်ႈ​ၵဝ်ႇ​တၢင်ႇ​ၵႃႈ​ၼိူဝ်​ သေႃးလူႉ ​သေ​လႄႈ လၢတ်ႈ​ဝႃႈ၊ ၼွင်ႉ​ သေႃးလူႉ ​ဢိူၺ်း၊ ၸဝ်ႈ​ ယေႇသူႉ ​ဢၼ်​ပေႃႇ​မႃး​တီႈ​မႂ်း ၼႂ်း​သဵၼ်ႈ​တၢင်း​ဢၼ်​မႂ်း​မႃး​ၼၼ်ႉ ပွႆႇ​ၸႂ်ႉ​ၵဝ်​မႃး​ႁႂ်ႈ​မၢၵ်ႇ​တႃ​မႂ်း​လႆႈ​ၶိုၼ်း​ႁၼ် ဢိၵ်ႇ​တင်း​ႁႂ်ႈ​မႂ်း​လႆႈ​တဵမ်​ဝႆႉ​တင်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။- ၼင်ႇ​ၼၼ်​လႄႈ တီႈ​မၢၵ်ႇ​တႃ​ သေႃးလူႉ ​ၼၼ်ႉ ၵွၵ်း​တူၵ်း​ၵႂႃႇ​ၸိူဝ်ႉ​ၼင်ႇ​ၵဵတ်း​ပႃ​ၼၼ်ႉ​ၵမ်း​လဵဝ်​လႄႈ တႃ​မၼ်း​ၶိုၼ်း​ႁၼ်​သေ​ယဝ်ႉ မၼ်း​လုၵ်ႉ​လႄႈ​ၶၢမ်ႇ​ ပပ်ႉတီႉၸမ်ႇ ​သေ​ယဝ်ႉ၊ ၵိၼ်​တၢင်း​ၵိၼ်​လႄႈ မီး​ႁႅင်း​မႃး​ဢေႃႈ။