Populære bibelvers fra တမၢၼ်ႇ​ၸဝ်ႈ 7

Del

ၼႂ်း​မိူဝ်ႈ​ဢၼ်​ဢဝ်​မၢၵ်ႇ​ႁိၼ်​ထိမ်ႈ​ယူႇ​ၼၼ်ႉ​ၸိုင်၊​ သထေႇၽၢၼ်ႇ ​သူး​တွင်း​ယူႇ​သေ​လႄႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ ယေႇသူႉ ​တီႈ​ၶႃႈ၊ ၶႅၼ်း​တေႃႈ​သိမ်း​ဢဝ်​ဝီႉၺိၺ်ႇ​ၵဝ်​ၶႃႈ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။- မၼ်း​ၶုပ်ႉ​ၶဝ်ႇ​ယူႇ​သေ​ယဝ်ႉ ႁဵတ်း​တင်း​သဵင်​ဢၼ်​ယႂ်ႇ​ၼႃႇ​ႁွင်ႉ​သႅၼ်ႇ​လႄႈ​ဝႃႈ၊ ၸဝ်ႈ​ႁဝ်း​တီႈ​ၶႃႈ ယႃႇ​ပေ​ဢဝ်​တူႉ​ၸရိူၵ်ႈ​ဢပႅတ်ႈ​ၼႆႉ​တၢင်ႇ​ၵႃႈ​ၼိူဝ်​ၶဝ်​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​သေ​ယဝ်ႉ ၵိင်း​ၼွၼ်း​ၵႂႃႇ​ဢေႃႈ။​ သေႃးလူႉ ​ၵေႃႈ​ႁပ်ႉ​တုင်း​ဢဝ် လွင်ႈ​ဢၼ်​ဢဝ်​မၼ်း​တၢႆ​ၼၼ်ႉ​ယူႇ​ဢေႃႈ။

ၵႃႈ​ၼင်ႇ​ဢၼ်​ပရေႃးၽႅတ်ႈ ဢဝ်​ပျႃႇ​တိၵ်ႈ​ၸဝ်ႈ​လၢတ်ႈ​ဝႆႉ​လႄႈ​ဝႃႈ​ၼၼ်ႉ​ၸမ်ႉ ၽႃႉ​ၵၢင်​ႁၢဝ်​ပဵၼ်​ပလၢင်ႇ​ၵဝ်​ဢေႃႈ။ လိၼ်​မိူင်း​ပဵၼ်​ၶူင်ႇ​တီႈ​တၢင်ႇ​တိၼ်​ၵဝ်​ဢေႃႈ။ တၵ်း​တႄႇ​ႁဵတ်း​ပိၵ်ႈ​မၢၼ်ႇ​ၸိူဝ်ႉ​ၼင်ႇ​ႁိုဝ်​ပုၼ်ႈ​ၵဝ်။ တီႈ​လႂ်​တၼ်း​လႂ်​တၵ်း​ပဵၼ်​တီႈ​ဢၼ်​ၵဝ်​ၵိင်း​ၼွၼ်း။

ၶဝ်​ၼၼ်ႉ​ႁဵတ်း​တင်း​သဵင်​ဢၼ်​ယႂ်ႇ​ၼႃႇ​ႁွင်ႉ​သႅၼ်ႇ​သေ​ယဝ်ႉ၊ ဢိုတ်း​ႁူ​ၶဝ်​ယူႇ​သေ​လႄႈ ၽွမ်ႉ​ၵၼ်​ၶုၼ်ႇ​လႅၼ်ႈ​ၵႂႃႇ​ၸူး​မၼ်း​လႄႈ၊- ဢဝ်​ဢွၵ်ႇ​ၵႂႃႇ​ၵႃႈ​ၼွၵ်ႈ​ဝဵင်း​သေ​ယဝ်ႉ ဢဝ်​မၢၵ်ႇ​ႁိၼ်​ထိမ်ႈ​ဢေႃႈ။ ၵူၼ်း​ၶၢမ်ႇ​သၢၵ်ႈ​သေႇ​ၸိူဝ်း​ၼၼ်ႉ​ၵေႃႈ၊ ဢဝ်​ၶူဝ်း​ၼုင်ႈ​တူဝ်​ၸဝ်ႈ​ၵဝ်ႇ​ဝႆႉ​ၵႃႈ​တီႈ​ႁိမ်း​တိၼ်​ၵူၼ်း​ဢွၼ်ႇ ဢၼ်​လႆႈ​ၸိုဝ်ႈ​ သေႃးလူႉ ​ၼၼ်ႉ​ဢေႃႈ။