Populære bibelvers fra Seemthawhnak 6

Del

Culeh BAWIPA cu vulei parah minung a vuak cu a ngaih a sia ih a thin a tiak.

BAWIPA ni vulei parahhin minung ih rawhralnak cu a vuaicai, cun an thinlung hoinakpawl cu an sia hlanghlan ti a hmu.

Noah zong cu BAWIPA hmaikaah mithmaiṭha a co.

Hile hi Noah ih hrinsarpawl an ii. Noah cu miding, amah san lioah soibei a ii; Noah cu Pathian rum an bualleng khat.

Curuangah BAWIPA ni, “Ka seemsuahmi minungpawl cu vulei parin ka siatsuah hngai thok—ramsapawl leh bokvakpawl leh huih lak vapawl rum, icatile anmah ka vuak taak hngai cu ka ngaisirtia,” tiah a ti.

Vulei parah minungpawl an punzai thawh tikah leh tianupawl an ngeih hngai tikah, Pathian ih tiapale ni an mawi ti an hmu; culeh an rilmi hmawhhmawh cu nupi ah an lattia. Cutikah BAWIPA ni, “Ka thlarau cu minungpawl hemahcun kumkhua a hmun thok lo, icatile anmimi cu thisa an ii; an nun sung cu kumza leh kul a i thok,” tiah a ti. Cui sanpawl leh cuhnukah Pathian ih tiapale ni minungle ih tianule an pawl ih tianaupawl an hrin piak tikahkhin vulei parahhin Nefilim an om ta. Hilepawl hi hlanlio pi ih miralṭhale, raldohthiam minthang an ii.

Pathian ni a hemih thu a piakmi zate cu Noah ni a vua.

Culeh Pathian ni Noah hemah, “Minungpawl an zate vulei par hin dengsak hngai dingah ka ruatcat rom, icatile vulei cu anmah ruangah ṭhatlonak in a khat; atu-ah anmah cu vulei rum ka siatsuah khat hngai thok.

Namah ca’h saipress thing in lawngpi vuak tia; a sungah khaanpawl vua hngai, cun a sungla leh pawnla cu tarthling hnulhin phit.

Culeh Pathian ni vulei mi cu an rawkcat ti a hmu; icatile vulei parih mikip in an rawkcat.

Cun a nung mi izongza namah rum nung ve dingah lawngpi sungah na luhpi hngai thok, a numi leh a pami an i thok.