Populære bibelvers fra Yuhanna 1

Del

Ammaa jaɓɓiiɓe mo de ngoonɗini mo ɓeen, o hokkii ɗum'en baawɗe laataade ɓiɓɓe Laamɗo.

Gillama e fuɗɗoode bi'eteeɗo Konngol ina woni. Bi'eteeɗo Konngol oon ina wondi e Laamɗo, wo o Laamɗo du.

Annoora oon ina yayna ley nimre. Nimre ndeen du waawaay jaalaade o.

Konngol ngool laatii neɗɗo jom terɗe de jooɗii hakkunde meeɗen. Min nji'ii darja makko, darja mo Bajjo hemrata Baabiiwo. Ley darja makko oon Baabiiwo ɓanginiri keewal hinney e goonga muuɗum.

E makko Laamɗo tagiri huunde fuu. Fay huunde tagaaka si wanaa e makko. E makko nguurndam woni, nguurndam ɗaam laatanii yimɓe annoora.

Jaango majjum, Yaayaa yi'i Iisaa ina wara to muuɗum, wi'ii: — Inan jawgel Laamɗo donndotoongel hakkeeji adunaaru.

Bi'eteeɗo Konngol oon ina woni ley adunaaru, wo e makko adunaaru ndu tagiraa, de adunaaru nduun kaa annditaay mo. O warii to jeydaaɓe makko, de jeydaaɓe makko ɓeen njaɓɓaaki mo.

Oon woni annoora goongalaajo garɗo ley adunaaru faa yaynana yimɓe fuu.

Saabe Muusaa keɓirɗen jamirooje, ammaa hinney e goonga wo saabe Iisaa Almasiihu heɓiraa.