Populære bibelvers fra Ilu̍uku 4

Del

“Uhu yī Ādā ɔlɔjā che um amu. Wu̍chē oji̍ nɛ, o̍ hu um ohōhu ke̍e̍, hɛ̄ɛbɛ nīi n ge̍ē kā Wɔ̄kā Ɔlwɔnyɛ yī nū de alyeklo̍. O̍ de u tɛ̄rɔ̄, hɛ̄ɛbɛ nīi n ge̍ē koko̍o ē de āchɛ nīi e̍ de wa̍ ku̍ pīya afiyɛ ma̍ hīka Ādā yɛ abɔ̍ɔ ge̍ē de wa̍ hīya lɛfiyɛ mɛ̍; hɛ̄ɛbɛ nīi n ge̍ē ya̍ nīi epriyī de ē myɛ̍ma̍ ke̍e̍; hɛ̄ɛbɛ nīi n ge̍ē de āchɛ nīi e̍ yɛ ē ya̍ wā ichi̍ ji ma̍ ē hɛ̍ta̍ ke̍e̍; hɛ̄ɛbɛ nīi n ge̍ē koko̍o yī olo̍ nīi Ādā ge̍ē de āchɛ yī nū hɛ̍ta̍ ma̍.”

Iji̍sɔ̄ɔsi hīya anu̍ ɔkɔ hīka, “Īpū yī Ɔwɔ ka hīka ko̍ō! ‘Ādā nīi - Ɔwɔ yī ala̍ ma̍ nīi ala̍ ge̍ē ya̍ otūlichō de ɔ̍ a̍nɛ. Anu̍ lōri̍īnū nīi ala̍ chī ge̍ē hɔ̍chɛ̍ yī nū a̍nɛ.’ ”

Iji̍sɔ̄ɔsi hīya anu̍ ɔkɔ hīka, “Ma̍ ko̍ō, Īpū yī Ɔwɔ ka hīka ɔ̄chɛ ɔ̍lɔ i̍ hɔ̄leyī bū la ojōre̍-ojōre̍ ke̍e̍ ni̍.”

Iji̍sɔ̄ɔsi cha bū la Ɔkpa̍ yī Ijɔ̍dan ma̍, Uhu Ɔnɛ̄ɛhɛhi yī Ɔwɔ mu ɔ̍ ibi̍īyē omōmu. Uhu yī Ɔwɔ bī ɔ̄ pīya ga lipu̍ a̍chi̍ chukuru.

Iji̍sɔ̄ɔsi hīya Ɔngūwɛ̄gā ɔkɔ hīka, “Īpū yī Ɔwɔ ka hīka ko̍ō, ‘Ādā Nīi - Ɔwɔ yī ala̍ ma̍, ala̍ e̍e tu̍ ɔ̄ tū ni̍.’ ”

Ɔngūwɛ̄gā kwɛ̍ɛjī la otu̍ Iji̍sɔ̄ɔsi tū i̍ngɔ̍ɔ wa̍a̍ ma̍, o̍ wā ge̍ pi̍ye̍mā hī ɔ̄ o̍bū bɛ̍ɛ̄nɛ̄.

Ɔngūwɛ̄gā wā ge̍ bī ɔ̄ ga ɛbɛ olichīichō ɔha̍ nīi o̍ ge̍ ma̍ ɔcha yɛchɛ wa̍a̍ ugbo̍he ma̍. O̍ ka de Iji̍sɔ̄ɔsi bɛ̍ɛ̄nɛ̄ hīka, “N ge̍ē de wɔhu̍ yī ɛbɛ obōbī ba̍la wɔdu yī ɛcha nūma̍ wa̍a̍ de wɔ. Wu̍chē oji̍ nɛ, ami nīi e̍ de ɔjā nūma̍ wa̍a̍ tū u la abɔ̄ a̍nɛ. N lwɔhu̍ ge̍ē de ē kɔ̄ de ɔ̄chaha̍-ɔ̄chaha̍ nīi hi um ɔtū ma̍. O̍ lɛ i̍ngɔ̍ɔ ma̍, a ge̍ pu̍ kpɛ̍ɛ̍ ya̍ otūlichō de u, n ge̍ē de ē de wɔ.” Iji̍sɔ̄ɔsi hīya anu̍ ɔkɔ hīka, “Īpū yī Ɔwɔ ka hīka ko̍ō! ‘Ādā nīi - Ɔwɔ yī ala̍ ma̍ nīi ala̍ ge̍ē ya̍ otūlichō de ɔ̍ a̍nɛ. Anu̍ lōri̍īnū nīi ala̍ chī ge̍ē hɔ̍chɛ̍ yī nū a̍nɛ.’ ”

Ɔngūwɛ̄gā gba̍a bī Iji̍sɔ̄ɔsi pīya ga Ijɛru̍sālɛm ge̍ che la ogō yī wɔlɛ̍ olichīichō yī u̍nu̍ yī Ɔwɔ. O̍ da Iji̍sɔ̄ɔsi hīka, “A ge̍ - Ɔyi̍ yī Ɔwɔ, ɔ̍lɔma̍ wi̍bi bū ma̍ ga ajɛ we̍ e̍ē! Wu̍chē oji̍ nɛ, Īpū yī Ɔwɔ ka hīka Ɔwɔ ɔ̍lɔ ge̍ē ka nīi ayɛ̍ɛ̄chɛ̄rɔ̄ yī ɔ̍lɔ ge̍ē deyīrɛ aa̍lɔ. Ɛ̍lɛ ge̍ē ku̍ aa̍lɔ ke̍e̍ ē bī gāa ichō, hɛ̄ɛbɛ nīi aa̍lɔ i̍ ē bī ikpo̍ ge̍ē dra̍ lɛchɔ̄ ni̍.” Iji̍sɔ̄ɔsi hīya Ɔngūwɛ̄gā ɔkɔ hīka, “Īpū yī Ɔwɔ ka hīka ko̍ō, ‘Ādā Nīi - Ɔwɔ yī ala̍ ma̍, ala̍ e̍e tu̍ ɔ̄ tū ni̍.’ ”