Populære bibelvers fra Jénésis 35

Del

Ne Osówo o-sét ǎ o/fu, me n-chi i Osówo mú o/rêe o-shwôm. Fwon bwǎn chwóó. Bwǎn eyên ba/chi ba-firi eshê chwóó, ne wo a/chi a-firi bonchí-batu. Me n/chi n-kye ǒ esí nyí n/kye Ébarahâm ne Ázik ne n/chi n-kye to bwǎn eyên kányí ké nkéré aa/kpú.

Byi-kú byi-bâ edim nyín byi-jâ Bétel, ké kyikit ńkyí n/chi m-bi kyikit-kyifen echi n-tî Osówo mú o/chwáp mě ké nkéré mú afaníkong ejí, ne mu ne me ké kyikû ké kángkáng byikit ḿbyí nn/cen.

O-sét ǎ o/fu, dyizîn eyên dyi-bángê e Jekôp, nké kyi-fím kántîk kyi-câ kashú, dyi/chi dyi-firi Ézerel. Ne Osówo o-fé ǎ dyizîn, Ézerel.

Ne Jekôp o-sét kyikû-banet emen ne kángkáng banet ḿbé ba/mû ne nyǐ o/fu, pwó n̂g kángkáng erím-bakye nyí bamu ne nyǐ. Soo n̂g byiko enen, ba-yángê byídí.

Osówo o/raa ne Jekôp o/fu, dim a-jâ Bétel a-da-kyú áku. Bi kyikit-kyifen echi áku a-tî mě, me Osówo mú o/byí o-kâm ǒ ké nkéré a/mû a-chêe ng Éso mú wǎn-boné eyên.

Nké Ríchel o/mû o-kú o-kpú u, ne ne o-shû kiǐnjáng ńkyí nkuli kyikû, o/fé wǎn emen dyizîn, Bénónyi, ányi kyi/byí, wǎn-bafip ejí, nké bonchí emen o/fé ǎ dyizîn, Běnjámin, ányi kyi/byí, wǎn mú dyishí dyi/chi dyi-nwa ǎ.