Populære bibelvers fra Sɩngre 1

Del

Dẽ, Wẽnnaam yeelame: «D maan ninsaal t'a yɩ wa tõndo, n tar tõnd wẽnego. Bɩ ninsaal soog zĩmã sẽn be koomã pʋgã, la a soog bõn-yɩgdɩ wã sẽn yɩgd yĩngrã ne yir rũmsã, la dũniyã gill fãa ne bõn-vuuds nins fãa sẽn be a pʋgẽ wã.» Dẽ, Wẽnnaam naana ninsaalbã n wẽneg b menga. Wẽnnaam naan-b lame n wẽneg bãmb a Wẽnnaam mengã. Wẽnnaam naana bãmb pag ne raoa.

Wẽnnaam ning-b-la bark n yeel-ba: «Rog-y kamb n fɩɩg n pid dũniyã, la y soog-a. Soog-y zĩmã sẽn be ko-kãsengẽ wã, ne bõn-yɩgdɩ wã sẽn yɩgd yĩngrã, la y soog rũmsã sẽn vuud tẽn-gãongã zugã.»

Sɩngr wẽndẽ, Wẽnnaam naana yĩngr la tẽnga.

Tẽngã rag n ka tar yalẽ ye, a rag n yaa vɩʋʋgo. Likã rag n luda zĩ-zulumsã. La Wẽnnaam Sɩɩgã rag n laanda koomã zugu.

Dẽ, Wẽnnaam yeelame: «Bɩ vẽenem zĩndi.» La vẽenem zĩndame.

Wẽnnaam yãndame tɩ bũmb nins fãa bãmb sẽn naanã sɩd yaa sõama hal wʋsgo. Zaabr la yibeoog zĩndame. Rẽndã yɩɩ rasem a yoob daarã.

Wẽnnaam yãame tɩ vẽenemã yaa sõama. La bãmb welga vẽenemã ne likã toore.

Wẽnnaam yeelame: «Ade, mam kõta yãmb mood nins fãa sẽn be dũniyã pʋg n womd biisã, ne tɩɩs nins fãa sẽn womd biisã. Bãmb na n yɩɩ yãmb dɩɩbo.

Wẽnnaam pʋda vẽenemã yʋʋr tɩ ‹wĩndga›, la b pʋd likã yʋʋr tɩ ‹yʋngo.› Zaabr la yibeoog zĩndame. Yaa pipi daarã.

Wẽnnaam yeelame: «Bɩ sa-gãongã zĩnd n welg koomã ne taaba.»

La rũms nins fãa sẽn be dũniyã zugã, ne bõn-yɩgdɩ wã sẽn yɩgd yĩngrã, la bũmb nins fãa sẽn vuud tẽn-gãongã zugã, bõn-vɩɩs nins fãa sẽn vɩ dũniyã rɩɩb na n yɩɩ mo-maasa.» La a yɩɩ woto.

La Wẽnnaam yeelame tɩ ãdsã zĩnd sa-gãongẽ wã, n tõog n welg wĩndgã ne yʋngo. Bãmb na n yɩɩ bãn n wilg wakate, rayã, la yʋʋmã.

La Wẽnnaam yeelame: «Bɩ bõn-vãad buud toor-toor yi: Mood sẽn womd biisi, tɩɩs sẽn womd b biis wa sẽn zems b buudã sẽn yaa to-to dũniyã zugã.» La a yɩɩ woto.

Wẽnnaam naana sa-gãongo, n welg koom ning sẽn be sa-gãongã tẽngrã ne koom ning sẽn be yĩngrã ne taaba. La a yɩɩ woto.

Bõn-vãad buud toor-toor yii tẽn-gãongã zugu, la mood buud toor-toor sẽn womd biis wa sẽn zems b buudã yiime, tɩ tɩɩs buud toor-toor sẽn womd biis yi wa sẽn zems b buudã sẽn yaa to-to wã. Dẽ, Wẽnnaam yãame tɩ bõn-kãng yaa sõama.

Wẽnnaam naana vẽenem sẽn yaa kãsems a yiibu: n kɩt tɩ vẽenem ning sẽn yaa kãseng n yɩɩdã soog wĩndga, la tɩ vẽenem ning sẽn yaa bilfã, soog yʋngo. La bãmb naana ãdse.

Wẽnnaam yeelame: «Bɩ koomã fãa sẽn be saagã tẽngrã tigim taab zĩ-yende, tɩ tẽn-gãongã puki.» La a yɩɩ woto. Dẽ, Wẽnnaam pʋda tẽn-gãongã yʋʋr tɩ ‹tẽnga›, la b pʋd koomã sẽn tigma yʋʋr tɩ ‹ko-kãsemse.› Wẽnnaam yãame tɩ bõn-kãng yaa sõama.

Woto, Wẽnnaam ning-b-la bark n yeele: «Bɩ y rog n fɩɩg n pid ko-kãsemsã, la bɩ bõn-yɩgdɩ wã fɩɩg wʋsg dũniyã zugu.»

Wẽnnaam leb n yeelame: «Bɩ bõn-vɩɩs buud toor-toor zĩnd dũniyã zugu. Yaa yir dũmsi, bõn-vuudsi, la we-rũmsi, bãmb fãa, buud toor-toore.» La a yɩɩ woto.

Wẽnnaam yeelame: «Bɩ bõn-vɩɩlɩ pid ko-kãsengã pʋg n saagdẽ, tɩ bõn-yɩgdɩ me zĩnd dũniyã zugu, n yɩgd yĩngri.»

Wẽnnaam naana we-rũms buud toor-toore, yir rũmsã buud toor-toore, la b naan bõn-bãooneg nins sẽn saagd tẽngã wa sẽn zems b buudu. Wẽnnaam yãame tɩ bõn-kãng yaa sõama.