Populære bibelvers fra Matayi 18

Del

Shenga vahomine mwizina lyane nga vavili nga vatatu, pe nane ndi navo mumwo.

Havili nkuvavuzyʼine nkuti: Inga muli vavili mwitinkine pansʼipa mutili nzagaga tulave hamʼahantu ahalive, nashenga honu, uTata wa kumwanya alivapa.

Pʼuwenʼahitʼumwana ahamuviha pahati, ahavavuzya ahati: Nalyoli nkuvavuzyʼine nkuti: Inga mutakuyandula, inga mutakuyipelʼukuva fwe vana, pe mutaliyinjila mushinamwene sha kumwanya.

Nkandʼuno wengʼakuyisya weka, akuyipelʼukuva fwe mwana wununo, wʼakuva mupiti mushinamwene sha kumwanya.

Uno wʼakuposhela wokʼumwana wʼali fwe wununo, ingʼakumuposhela mwe mwizina lyanʼine, wʼamposheleye nenene.

Nalyoli nkuvavuzyʼine nkuti: Zyonti zyenga mukuzikunga imwe pansʼipa, zye zikuva zye zikunzilwe nakumwanya. Zyonti zyenga mukuzisatula imwe pansʼipa zye zikuva nsatulwa nakumwanya.

Namwe uTata wa kumwanya shʼalihonzya vovulo, inga mutakuswila mumoyo ginyu amalandu ga vamwinyu.

Nkandʼuno wengʼakupunuzya wokʼuwa vansʼiva ve vakunitihʼine, wʼahondeyʼukukunjilwʼulwala kunsingo ulwa kuvalʼukumudwiṿwa mwa sumbi mwe mwiviye.

Vulʼimwe? Ingʼumuntʼalonsilʼingʼonzi amashumʼishumi, ilelo pe yokʼijende nukutega, pʼizyamwavʼamashumi gasanu nagane nazisanu nazine amwʼatangazileha mumagamba, atangavalʼukwanza yiyo yʼitezile?