Populære bibelvers fra Yohana 17

Del

Ala kuúng na hheehhe'eeseek ar looeemadá'. Axweesantók a looeema.

Nee slafíngw alhhe'eesay wásl an kwí, kuúng uwa xuiya', Mungúduú ló', kudá' wák, nee Yesu Kristo, kudá' naa ya/áp.

“Ala awa án ni aleefiriiriim a kuká' kilooíneeká, ala tam kudá' aníng i haratlintiiá' as axweesantaín. Inooín sleémeero masók ta wakleeli'iima tleehhiit, adoodá' kuúng Baabá tar baraaeé' i diri', nee án nir baraawók i dirii'. Inooín sleeme masók i baraarén, as múk aa haratlintii'iiká ngi tsaahhi gídaabá kuúng an kudá' aníng iga ya/ap.

Aníng a fiririimaaká gídaabá inooín kiwa hinges baraaká' yaamuuwo, ala kiwa de'een dír kudá' tlaakwe.

Xirfuudá' kuúng naa aníng i hanís, aníng ugwa haniís dír kudá' aníng iga haratlinti'iiye', asma tawa wakleeli'iima tleehhiiti, adoodár atén tar wak, gídaabá aníng baraaín, nee kuúng baraaeé', as wakleeli'iima kawa boo/eesi. Asma múk aa haratlintii'iiká ngiwa tsaahhi gídaabá, án kuúng ina ya/áp, nee gídaabá, kuúng mukdá' aníng iga haratlintii' una slá', adoodá' aníng ira slá'.