Populære bibelvers fra Jâŋ 14

Del

«Koo pei cʉ̂ʼ nzəm, mənzoʼ méi kə̂ ntsóʼó, koo pei kə̂ mbóghʼ; n ngwo cóghʼ mbwórə məntə̂ʉ pei, ə̂ pə́ mbwórə yi fû mbó məŋ; káa ə̂ pə̂ yé mbə̂u yi pye lou cər nzʉ̂ yo.

Yěso lâʼ lə́ zʉ́ ngô: «Mə̂ŋ laŋə́-ndə̂u, ə́ mbə́ no lə́nə́ʉ, ə́ mbə́ ŋuu yi a ghʉ pə́ pə̂ wó. Mboʼ ŋuu wô yé ncə́r yé Tə́ tə́ lěi pə́ lə́ məŋ po.

Yěso kə̂ ncí ndáʼ lə̂ ngaŋə-jyêʼ-no yé ngô: «Koo mənzoʼ méi kə̂ ntsoʼó! Pei pə́i no Sê, ə́ nkə́ mbə́i no zâa lə́wó.

Lə́ pei wo cʉ́ʼ nzəm, Nzoŋ-tû wei yi a pə̌ Zəghʼə Nděi-lěi yi Tə́ wo lǎghʼ ləjôghʼ zâa tə́u ŋə́ lə́ pei, wo jyêʼ wéi zə̂u tsəm, ə́ pǒu ghʉ̌ pei nkʉ́ʉtə́ zə̂u tsəm yi n nkə lǎʼ wéi.»

«Ŋuu yi a zûʼ məntǎghʼ mâa, ə́ mbou mə́ ŋə̂i mə́u, â ŋuu yi a kǒŋ ghâa. Ŋuu lə̌i nkóŋ ghâa, mə́i Tə́ ghâa wo koŋ yé, n nkə́ nkôŋ zâa ngaŋ, ə́ ngʉ̌ a jí ghíʼ m mbə̌.»

Ə́ njí ńgó n sʉʉtə́ Tə́, a ŋə̂ cǒ Nzoŋ-tû wei yi ndeʼe; ə́ yi pei pə pǎp láʼ cí pə́ wó lə̂ mənguʼ mənguʼ. Nzoŋ-tû wêi pə̂ Zəghʼə yi ə́ ghʉ pə́ jî ghíʼ Sê pə̌; ə́ mbə́ yi pye nzʉ̂ yo kâa kûʼ yé lə̂ mpfú yé, ńté no káa gháp pə́ njwó gháp məfaʼ, káa kə́ pə́ jî gháp yé; lə́ ə́ ngwǒ lə́ pei, mə́i pei pə̌ njî yé, ńté no a pə́ mbəʉ pei, ə́ ghʉ̌ kə́ pə̂ pə́ ndəu pei mpfu tsəm.

Pei lə̌i ndághʼ ləjôghʼ zâa ńdóu pə̂ hó, mə́i n ngwo ŋə́, ə́ njí ńgó pə́ lei lə̂ ləjôghʼ Môu, ə́ ngúʼtə́ Tə́. Pei lə̌i ndághʼ ləjôghʼ zâa ndóu pə̂ hó, mə́i n ngwo ŋə́ lə́ pei.»

«Pei lə̌i nkoŋ ghâa, pei ŋə̂i lə̂ məntǎghʼ mâa.

Məyʉʼ lənyǎŋ pə́ ndə̂ Tə́ ghâa tə nzáa, ə́ tə́i ndə̌iʼ pə́ wó po, mə́i kâa n ndâʼ ghâa wéi ńgó n ngwo wǒ wó tsuŋú méi məyʉʼ lənyǎŋ.

Məŋ ndə̌i ngʉ́ ngwǒ tə n ntsuŋú yʉʼ zéi, mə́i n ngwo pə̌ʉ tó lǒu wéi, paghʼə lə́r, ńjí ńgó yʉʼ yi m mbə̌ wó, pei kə̌ mbə̂ zéi yʉʼ wó lə́wó.

Tomásʉ lâʼ lə́ zʉ́ ngô: «Ə́ Nde káa paghʼ pə́ njî wághʼ yʉʼ yi o lər lə̂ wó, paghʼ wo ghʉ gháʼá poŋə́ jí laŋə́-ndə̂u?»