Populære bibelvers fra Maariko 10

Del

Kora öni Omoona uwa Ömöntö, tenaasha igha abhantö bhantighinkanere hë, kasi naasha igha, ntighinkanere abhantö, na ukwiruusya öbhöhöru ubhwane, okore ntunguri abhantö abhaaru.”

Yëësu akabhamoghorra, akamara akabhatëëbhya igha, “Amangʼana ghano abhantö bhatakotora okokora, Waryobha nkoghatora arë, ko bhoora Waryobha nkotora arë ghonswe igho.”

Yëësu akamohonshora igha, “Keno këghërrë uhwënirë, nu-mukumo ughwaho. Kaghi ka.” Hayö na hayö igho, ömöntö uyö akasimya okomaaha, akasoorana Yëësu ko-nshera.

Mbe, abhantö bhano Waryobha yaatoora hamwë, ömöntö atakaasha okokora bhaahokane.”

Yëësu akamomaaherra, akamohansha, akamötëëbhya igha, “Usuuhirwë engʼana ëmwë. Kaghi öghöri ëbhëntö bhyonswe igho bheno onabhyo, seehera seno oraanyoore-mo, ohaane abhatöbhu, hayö ho oraabhe na emongo mu-ryobha ku-Waryobha. Bhoono hayö omanye kuusha konsoorana.”

Yëësu akamöbhöörya igha, “N-kë ukutuna nkokorre?” Umuhukuru uyö akamohonshora igha, “Umwëghya, nkutuna ndë igha maahe.”

Kasi, kö-bhëënyu tinkutuna ebhe igho hë. Ömöntö wowonswe ono akutuna abhe omonene mö-bhëënyu, ni-igha abhatighinkanere.

No-bhoheene nkobhatëëbhya igha, ömöntö ono atakwikërrya Öbhötöngi ubhwa Waryobha kya omoona omoke bhono akukumya, taatore okosoha mo-Bhokama ubhwa Waryobha hë.”

Kasi abhantö abhaaru mo-bhano bhakwimaaha igha bhaana ubhwera bhoono igho, tebharebha na ubhwera hë. Na abhantö abhaaru bhano bhataana ubhwera bhoono igho, mbo bharebha na ubhwera.”

Kasi ukurwa bhosemoka hano Waryobha yaabhömbirë ekebhara keno, yaabhömbirë omokari na umushaasha, ‘Ku bhuyö, umushaasha naraatighe suwaabho na nyakuwaabho, aghootane na mokaaye. Abhantö abhabhërë bhayö, nkobha bharë kya ömöbhërë öghömwë.’ Bhoono hayö, abhantö bhayö te-bhabhërë hë, kasi nkobha bharë kya ömöbhërë öghömwë.