Populære bibelvers fra Lukase 23

Del

Yěsô gɔɔn ngie: Tá wɔ̀ɔn, lege mefʉ̀a mɔ́b, mélà’mie pɔ́ té ne ńzsé mmó gie pɔ́ gÿo wɔ́. Pàlÿɔ́’ ncù pie é laa jʉ’ó ma’a tyeente tá ńdɔg ńgabte menzsǒ mé.

Yěsô tsɔ́’ ngie: Mèŋ shwóŋó gú, áa kwà’ nénʉ́, ngie, pé lyɛ̌’ɔɔn pɔgɔ ge gwɔ́ tsɛ̀ɛ lekág mvfò Ssé.

Á kaga yé pú’u, ḿbiŋ sẅíŋte Yěsô ngie: Yěsô, ɔ̀ lɔɔn ńdá’ ńtóo nà lefùɔ shú, ɔ̀ pɔ́ɔn lélege wɔ̀ɔn.

Yěsô ńnéŋe nà tÿǒ nkǐ, tà ńga’te lê ngyè tetʉ́ʉ, ńgɔɔn ngie: Tá wɔ̀ɔn, mèŋ n nyě zẅìge yɔ́ɔn, á nà mbwo mú, ńgɔɔn pú’u, ńdeen ńké ńcʉ́m.

Ńgʉa tà ńkúu nà tsɔ́ jʉ’ gie mé lɔɔn ńtóŋo le kẅǐ twó, ńkime Yěsô nà tÿǒ nkǐ, ḿbiŋ ńkim mbɔɔ metsǒŋ pá mépʉ́a, nà mɔ́b metÿǒ nkǐ. Tà’ gwɔ́ nà gwoŋó pwó Yěsô ye tʉ̀, wetsɔ̌ gwɔ́ nà gwoŋó pwó kyɛ̀bɛ.

Tsɛ̀ɛ zsǒ gÿo ńku’, nèm pyé, nzěm pú síŋe tsɛ̀ɛ ngwòŋ ntsèm tà ńkúu ná nèm tá mbÿɛ njÿó. Nzsǒ gie mé la lɔg ńkʉŋe jʉ’ gie *pànùŋe pwɔ́’ tyé wɔ́ ndá Ssé, éshʉa tsetsɛ̀ɛ, éfó tÿǒ ńkúu ssé.

Tá ndá pàlÿɔ́’ ncù pà *Roma jʉ’ó la pú ńgyá kɔ̀ɔkɔ́ɔ wɔ́ gie á pǔ ńcʉa, tà ye mbÿɛ̌ gwɔ́ le gɔɔn ngie: Nyìŋ wɔɔn kaa tèfʉa. Ashwóŋè yé ŋwɛ́ ná mekù’ mbwo Ssé.