Populære bibelvers fra MATIUS 21

Del

Apang l᷊ai ko i pundokang i kumu su l᷊al᷊ung u kal᷊iomaneng, mang sarung i katarima i kumu, asal᷊e i kumu mangimang.”

“Tingari” sasimbah I Yesus, “Boko i kumu mangimang kahingang, i kumu makakoa apa ko Daku nikoa su kau i'i. Dang wal᷊inge kitang e'e, kateho i kumu sarung makapuhabari su wul᷊ure i'i, kasapuae dang karume'e sarang l᷊auri; hal᷊i e'e mang mariadi.

Taumata maul᷊i ko karal᷊enge su horo dingang u su likur I Yesus nukumiha u, “Kaumuri Ahusi Daud! Al᷊amate I Sie ko nusumongo su areng u Mawu! Pundalo ko Mawu Ruata ko karangetange!”

Bou e'e i Sie nangul᷊i sumanga taumata e'e, “Su l᷊al᷊ungu Buki Susi kawawohe, Mawu nangul᷊i, ‘Wal᷊e-Ku sarung i sigho Wal᷊e tampa u pukakal᷊iomanengang.’ Kateho nikoa i kumu tampa u tahapuhampasi!”

“Puhabari ko su Sion, Ratu ngu seng kasongo nge sarang koa i kumu. I Sie mangkate ko masana naunge dang simake su keledai simbau, ana u keledai ko paranggang.”

Kute I Yesus nangul᷊i si sire, “Mborong ta manga paghisa i kumu nubasa ko mawawohe su Buki Susi? ‘Watu ko ta napake su manga base u wal᷊e seng nakoa watu Kahimotongange. Ii hal᷊i ko nikoa u Mawu; wal᷊inge gampang kasidadae!’ ”

“Inau tinaungete,” angkungi Yesus, “saul᷊i u haki kere umat u Mawu Ruata sarung al᷊akeng bo i kumu, bou e'e inggile su simbau kawanua ko sarung muparal᷊eng u parentang u Mawu Ruata.