Populære bibelvers fra MARKUS 13

Del

Ihkam ahkan ngohiri bain paring ulun, tului ihkam murid-Ku. Tahpi ulun ijo botahan nyiring ko-opah ahkan tonyolamat.’’

Jadi ihkam harus bojaga-jaga tutang botahtap tului ihkam eam kota'an mira ohkotoh.

Tutang amat ihkam tonawan tutang konomin ahkan ponosara, ara mihkoh tohou inon ijo harus ihkam nuhtuioh. Amat jari johcok ohkotoh ahkan pander, nuhtui iourih inon ijo jari tonyorihtaoh ahkan'kam aang ohkotoh. Tului pander-pander ijo ihkam ngohawotoh rih eam auh tuhtui emu bongom, molekan lombut tahkan Roh Pohotala.

Langit tutang tana ahkan dilap, tahpi auh-Ku tehen kototahiuoh.’’

‘‘Oluka kolourih, eam ihcobehti ka kota'an, mira ondouoh ata'ai jamoh. Karon-molehkat ang soruga eam, tutang Anak ka eam, tihkas Amai iou ijo kota'an.

Amat ihkam ngonih auh-auh kolahi tutang borihta-borihta poporangan ara mihkoh. Hal-hal orih harus nyolung, tahpi orih eam rimai ijo jari ohkotoh kiamat.

Tului orih ihkam harus bojaga-jaga, bain ihkam eam kota'an mira tepun lohpou orih ahkan buli – mihkohtou aang sohit ondou, mihkohtou aang tohun ngolomi, mihkohtou aang ohkot topolaoi, ata'ai mihkohtou aang ohkot mahtanondou lombut. Amat io lombut songola, ara nyiring io nyombang ihkam rahat tiruh. Inon ijo Ahku nuhtuioh tuh ahkan'kam, Ahku ka'a nuhtui ahkan paring ulun: Bojaga-jagarih hototurus!’’

Uhtus ijo ihco, ahkan boparang molawan uhtus ijo bohkon. Nogara ijo ihco ahkan nyarang nogara ijo bohkon. Ang umo-umoh ahkan nyolung tana moruguh tutang bohaya kolou. Paring orih punai pahtuk iou, kolou koporos ijo tokinyam ihcobehti ulunbawi botohi, ijo kani nganak.

Kabar Hinut tahkan Pohotala rih, musti ahkan tonosiar soun, ahkan kokaro uhtus ulun.

Aro ulun lombut hawui mohapan arak-Ku tutang nuhtui, ‘Ahku tuh Io!’ turus ngobalik aro ulun.

Ihkam harus ati-ati, bain ihkam ahkan tonawan tutang konuhut nokuh balai bosara. Ihkam ahkan ponohpah ang lohpou-lohpou sombayang. Ihkam ahkan tongomin noharep pongowasa-pongowasa tutang lahca-lahca tului ihkam murid-Ku. Tutang orihrih kosapet bagi'kam, dahpot nonga saksi tohou Ahku ahkan iro.

Tului ponyolamat-ponyolamat bobalik, tutang nabi-nabi bobalik ahkan lombut. Iro ahkan nguan gawi-gawi ijo luar biasa, tutang kahtahelan-kahtahelan, ahkan ngobalik amat duon, ukup Pohotala ka'a.

‘‘Uli wayah kosusah rih, mahtan-ondou ahkan monjadi pindong, tutang bulan eam hino koloang. Potion-potion ahkan botahak tahkan langit tutang pongowasa-pongowasa pinda langit ahkan nyolung sampur-baur.