Populære bibelvers fra LUKAS 3

Del

Uli paring ulun rih tonopondus, Yesus ka'a tonopondus. Tutang kotihka Io rahat bodo'a langit bokuap, tutang Roh Pohotala mosuluh nokuh ngosan-Oh kolou bulung dala. Turus konahan auh Pohotala nuhtui, ‘‘Ihkorih Anak-Ku ijo Ahku ngasihoh. Ihko ijo ngojorih ahtoi-Ku.’’

Orih kotuluioh Yohanes pander ahkan iro paring, ‘‘Ahku mopondus ihkam umba danum, tahpi noin ahkan lombut Ulun ijo labih hajo tahkanumba ahku. Nguhkoi talin soruhpah-Oh ka ahku eam gunai, Io ahkan mopondus ihkam umba Roh Pohotala tutang baho.

Ngorinahrih umba ang konuan'mu, ijo ihkam jari hubah tahkan dusa-dusan'kam! Ara hino nuhtui ijo Abraham orih tahtu ajuh 'kai. Pios ngingat: Tahkan bahtu-bahtu tuh ka Pohotala sanggup napa lihit ahkan Abraham!

Kahpak jari ngindoi ahkan nowong pu'un nyiring johcok uhat-uhatoh. Nyino-nyinong pu'un ijo eam polua bua ijo hinut, ahkan tonowong tutang dian ahkan luwang baho.’’

Orih horong umba ijo tonyurat ang luwang buhku Nabi Yesaya: ‘‘Anai ulun ijo na'ah ang padang bolambah, ‘Nahtap jalan ahkan Tuhan, morahta jalan ahkai-Oh. Nyinong tanaluou ahkan tonimbun, nyinong puruk tutang lukuh, tonusut. Jalan ijo kulak-keluk harus pobujuroh, tutang jalan ijo ruakrahken tonimbuk. Ulun-ulun ang hopus kolunon, ahkan nohto Pohotala nyolamatoh kolunon!’ ’’