Populære bibelvers fra ILOOWALI 15

Del

Tei Abram palacaya to EEYA, wau sababu uito EEYA lololimo olio odelo taa u moe̒engahe hilaa-Lio.

Lapatao̒ uito tei Abram lololimo bibilohe wau loo̒dungohe EEYA lotahuda mai olio, “Diila mao̒ oohe, Abram, Wau̒ mamoduo̒lai olemu monto baala, wau mongohi mai olemu wuupa udaa̒.”

EEYA lodelo olei Abram ode bulemengio tulusi lotahuda mao̒ olio, “Bilohi mola hulungo wau nte leekenia mola popoo-liyamaalo; yio̒ mamowali owali mai daatalio debo odelo popoo-liyamaalo boito.”

Lapatao̒ tei Abram loo̒dungohe EEYA luli lotahuda mai to olio, “Diila watomu tamaa mowali ahali lo walisiimu, bo walao̒ mongo lolai̒mu lohihilao.”

EEYA lotahuda mai ode olio, “Eelailo mao̒, waliimu mai mamowali tau deli tolipu wewo; timongolio mamowali wato mola teto wau madeehelio ngotilonggadu wopato hetuto lotaunu mola hiheolio.

Bo tei Abram malo loi̒ya, “EEYA Taa Laba-labaalo molanggato, EEYA diila longohi mai walao̒ ode watotia. Taa umaa mowalisi mao̒ halata lo watotia bo tei Elieser wambao̒, wato lo watotia lonto Damusiki. Oditolio wolo hunalio EEYA mongohi mai wuupa ode watotia?”

Tou̒ boitolo EEYA lohutu mai daantia wolei Abram. Tahuda lo EEYA, “Wau̒ modanti mai mamongohi ode waliimu ngoilanggubu huta botie, tumulalo mao̒ monto sipatana lipu lo Masiri demola dutulaa Eperat

Lapatio mao̒ wopato waliimu mai, walao̒ wombumu mamuli mohualingai odia, kalana wau̒ diila tamopo hinggi taulo Amori tou̒ timongolio diipo mowali odito leetio tilinggula palalu hukuu-maniyolo.”