Populære bibelvers fra Wakkagagerak 13

Del

Yoge nagagerik, “O yi taganak kat kenegen kagandak ti, abok aret kat inom, kat kapuri ndaganabemenggendak inom, unde eeppunuk, mondok-mondok logobagip nduk wokkiraagin o.”

At Lot Abaram imbirak inalitak ogo mbareegwa, at Aliku ALA nen Abaram owagam wage nagagerik, yoge logonet, “Kat keebe mi'ndak me taati nen o irip-irip agi nggwe ogu nggwe abok aret kenegen nakket o.”

Yoge nagagerik, “Mbini kale'ngga lingginiyak op nen lingginogo kapuri ndaganaburak ti, ndak-ndak wokkirigin, yokkiriyak kwe, lingginiyak meek me, Mbini kale'ngga lingginiyak meek ti kokwak aret wokkirigin o, yinuk, yokkigi o.

Togop aret wone wako mbareegwa, at Abaram nen wone koonogo Lot yoge logonet, “Nit nimbirak ambit aret me, kat an nimbirak inom, kat kawuri an nawuri inom, ndugwi puurak ti, mondok meek aret me

Yoge mbareegi, at Abaram nogo, o nogome teppunuk, o Keboron eyo teno alome o Mamere koorok nogome ari woraanuk, Aliku ALA alut eeke logonet, ake warogo wogoge logowak nduk, yugum logonogo pereegerak.

Yoge mbareegi, at Lot nogo enegen pe'nage nagagerik, o Eren Aliku ALA nen ogobakkigireegerak nogo inom, o Metit abeenok Towat pa'nggwe inom, imbirak abu obeelom wonagagerak ti kokwak, nggween niyo Yoraran ndirok kobappaga abu obeelom niyo eneeri wundit nage menggim nggween mili lombok aret kagagerak. Ti kagagerak nogo ti, at Aliku ALA nen o kota Torom inom, Nggomora inom, awo lek eerogo pega'lek kagak kagagerak.