Populære bibelvers fra San Mateo 21

Del

Iyába nu innábale atti innele len Tata Do Iyyabaaha, guadíbale nua ladiba ria tsitsi lele Ben-na.

Jesús becabie re: —Neti nna gualíbatia rpea le, gansi lebiꞌi ria tsitsi lele Tata Do Iyyabaaha, bittu rudú chupan lele, lania nna läga sunru aca guele unle loesi nu bedhaca ya igu-ni, sinuqui guacaguaba guele gále iꞌiya do-na: “Ubietta atta dolha nna güiatte bixudi lheꞌe indattoo-na.” Lania nna acaba nu chi ráleha.

Ca nu denalha lhe ca nu dia neruha lhe ribesiꞌacana rácana: —¡Xxeni ra lelu lu ancalu benni datía David! ¡Carbárulu lu ancalu Benni udhelha Tata Do Iyyabaaha! ¡Xxeni ra le Benni do iyyabaaha!

Nianna re cana: —Lo ca sitsi atta dia ca tisa gue Tata Do Iyyabaaha rinne ben-na re: “Yoꞌo quia-ni ancana yoꞌo atta inne len ca benni neti”, ttiaca lebiꞌi nna attiba belea anca lisi ubana la chi beonle yotu-ni.

Gualgás ca benni gue yiesi lá Sión: “Gualugüiarga, ni Benni innabia gueleha chi dee atta seꞌele-na. Lee nna bittu runie anque benni ra xxeni leni, cuꞌe ttu burru cuiti xiꞌini ttu burru ruja yuaba doe dee.”

Jesús re cana: —¿Si niba ttu libe bittu chi belabale lo ca sitsi gue Tata Do Iyyabaaha atta rá?: Iyya nu uluꞌu niꞌa ca benni rucoa ca yoꞌo-na unnuha la beacana iyya nu ribe riden tsitsina yoꞌo. Benni bananie ri-naba benie raca aní. Unní ancana ttu nu runna eban leri.

De unnuha nna rpea le, lärga acale benni rinnabia Tata Do Iyyabaaha, ca benni uncana nu tsuꞌu le Ben-na liba acacana ca nu innabia Ben-na.