Populære bibelvers fra Matiye 13

Del

A marə dəwje toje tokə nangə kə̂ maji kə̂ n̂-dubbu nɛ̂n tə̂. Dooje tar le a, n̂-gərəje kandɛ̂ kə majɛ̂ ngaâ dandəje kandə. Marɛ̂je andəje dɔdɔku, marɛ̂je andəje dɔmisan, a marɛ̂je andəje dɔmota.»

A marə dəwje toje tokə nangə kə̂ konnje ubbaje tə̂ le. Dooje tar le kə majɛ̂, a kəjə-tarje mba nɛ̂nje kə̂ nangə̂ nəənn kə bbo nɛ̂n-kingaje kə̂ aw ərəde ore dɔ tar le kə nangə̂ arə tar le andə ang.

Dəwje kə̂ ooje tar kɔn-mbay lə Lubba, a gərəje kandə tar le ang, toje tokə dɔ ddəw kə̂ kandə-koje gaynje tə̂ le. Nje-mə-majang ddee ɔru nɛ̂n kə̂ n̂-dubbu məde tə̂ le kə ddang.

Marə dəwje toje kâra baa kə lo kə̂ to ər. Dooje tar le a, n̂-taaje kə rɔ-nəəl njangə baa. A tar le ungu ngirɛ̂ məde tə̂ ang, kure əw məde tə̂ ang. Bbo nɛ̂n kəm-to-ndoo wase nɛ̂n-singa ddee ingade mba tar lə Lubba le a, mə-kunn ləde oso njangə baa.

«Bbe-kɔn kə̂ darâ to kâra baa kə nɛ̂n-kinga kə̂ diya mə ndɔɔ tə̂. Marə dəw tee dɔɛ̂ tə̂ ngaâ təl unn iya bbay. Rɔɛ̂ nəəle ngaâ naw labbə nɛ̂nje laa tɔyn, a n̂-təl n̂-ddee n̂-ndoko ndɔɔ le.»

A marɛ̂je gaynje dɔ nangə tə̂ kə̂ maji ngaâ andəje. Marɛ̂ andə dɔdɔku, marɛ̂ dɔmisan, a marɛ̂ andə dɔmota.

Inyajede arə n̂-nduje naan tə̂ ndərəng ndɔ kuja ko le. A bbo ndɔ kuja ko le asə a, mâ pa karə njê kə̂ a kujaje ko le nan: Ə-tɔruje mu kə̂ maji ang le dɔngɔr, ə-tɔje kə dɔɛ̂ dɔɛ̂ ta ulaje puru tə̂. Goe tə̂ a, ə-tɔje ko kə̂ maji le unguje mə dam tə̂ ləm.› »