Populære bibelvers fra LUKASI 8

Del

Hune i tshi zwalwa ya wela mavuni avhuḓi zwi amba avho vhane vha ri u pfa ipfi ḽa Mudzimu nga mbilu nthihi yo ṱambaho, vha ḽi vhulunga vha sa fheli mbilu, vha vhuya vha aṋwa mitshelo.

Hune a tshi zwala ya wela mipfani zwi amba avho vhane vha ri vho pfa ipfi ḽa Mudzimu, zwi tshi ya phanḓa ḽa pwanyeledziwa nga u vhilaela zwa vhutshilo na lupfumo na madakalo a vhutshilo, vha si vhe na mitshelo.

Yo welaho kha lukwara zwi amba avho vhane vha ri u pfa ipfi ḽa Mudzimu, vha ḽi ṱanganedza nga mbilu tshena, hone vhunga hu si na hune ḽa nga ṱoka midzi khavho, vha tou tenda tshifhinganyana; hu tshi ḓa tshifhinga tsha u lingwa nga Saṱhane vha a gunea.

Ndi hone Yesu a tshi amba navho a ri, “Lutendo lwaṋu lu ngafhi?” Hone vhone vho vha vho farwa nga nyofho na ganuko vha thoma u vhudzisana nga tshavho vha ri, “Nṋa ndi muthu-ḓe uyu ane a ri u kaidza ḓumbu na magabelo zwa mu thetshelesa?”

Yo welaho nḓilani zwi amba avho vhathu vhane vha ri vho pfa ipfi ḽa Mudzimu, Saṱhane a ḓa a tupula ipfi mbiluni dzavho uri vha sa ḓo ḽi tenda vha tshidzwa.

A hu na tsho dzumbiwaho tshine tsha sa ḓo dzumbululwa, a hu na tshiphiri tshine tsha sa ḓo ḓivhiwa nga vhathu tsha bvela khagala.

Musadzi uḽa a tshi vhona uri zwe a ita a zwo ngo dzumbama, a ḓa a tshi tou tetemela nga nyofho, a gwadama phanḓa hawe, a amba zwe a mu kwamela zwone vhathu vhoṱhe vha tshi zwi pfa; a amba na uri o mbo ḓi tou fholela henefho. Ndi hone Yesu a tshi mu vhudza a ri, “Ṅwananga, lutendo lwaṋu lwo ni fhodza, tshimbilani zwaṋu no rudza mbilu.”

Vhafunziwa vha ḓa vha mu vusa vha ri, “Muṋe washu! Muṋe washu! Ndi hone ro lovha!” Yesu a vuwa a kaidza ḓumbu na magabelo a vhuhali ha mbo ḓi ri ṅo, ha dzika.