Populære bibelvers fra LUKASI 5

Del

Yesu o no fhedza a amba na Simoni a ri, “Edzonu sendedza itshi tshikepe vhukati ha dzivha ni farisane u ṱharamudza mambule uri ni kone u fasha khovhe.”

Simoni a fhindula a ri, “Muṋe wanga, ro kakarika vhusiku hoṱhe ri si fashe tshithu, hone vhunga ho amba vhone ri a rea.” Vha mbo mbwandamedza mambule maḓini vha fasha khovhe nnzhi-nnzhi lwe mambule a vhuya a tou nga a sa kheruwa.

Hone Ene o vha a tshi ḓi ita a tshi ṋenga a yo rabela sogani.

Nṋe a tho ngo ḓela vhavhuya, ndo ḓela vhatshinyi uri vha laṱe vhuvhi havho.”

Simoni ane ḽiṅwe a pfi Pitrosi a tshi vhona zwo iteaho a mbo ḓi gwadama a losha Yesu a ri, “Kha vha nṱutshele Muṋe washu; ndi mutshinyi!”

Yesu a konou vha fhindula a ri, “Vhathu vha sa lwali a vha lili ṅanga; ṅanga i lilwa nga vhalwadze.

Vhone vha ri u bvisela zwikepe zwavho khunzikhunzini vha ṱutshela zwoṱhe vha vha vhafunziwa vhawe.

Ḽiṅwe ḓuvha Yesu o vha e kha muṅwe muḓi he ha vha hu na muṅwe munna a lwalaho vhulwadze ha lukanda vhu kumadzaho, ho no tou phapha muvhili woṱhe. Onoyo a tshi vhona Yesu, a gwadama a losha, a mu humbela a ri, “Muṋe wanga, hufha vhe na maanḓa a u mphodza; a thi fhodzwi-vho?” Yesu a isa tshanḓa tshawe, a mu kwama a ri, “Ndi zwone, fholani!” A mbo ḓi fhola na zwenezwo.

Hone bvumo ḽa Yesu ḽa ḓi hula ḽi tshi ya, vhathu vhanzhi-vhanzhi vha ḓa u mu thetshelesa na u fhodzwa malwadze avho.