Populære bibelvers fra LUKASI 3

Del

Misi iḽa vhathu vhoṱhe vha tshi lovhedzwa, na Yesu a ḓa a lovhedzwa-vho. O no lovhedzwa, a tshi khou rabela, lutombo lwa vulea, Muya Mukhethwa a tsa e kha tshivhumbeo tsha ḽiivha a kavha khae. Ha pfala ipfi ḽi bvaho ṱaḓulu ḽi tshi ri, “U Murwa wanga muthihi fhedzi; u a ntakadza!”

Johanisi a tshi vha fhindula a ri, “Nṋe ndi ni lovhedza nga maḓi zwao, hone hu khou ḓa ane a mphira kule lune ndi si vhuye nda fanela na u kotama nda vhofholola thambo dza navhula dzawe. Ene u ḓo tou ni lovhedza nga Muya Mukhethwa na nga mulilo.

Aṋwani-ha mitshelo i sumbedzaho uri vhukuma no rembuluwa. Ni litshe u ṱolou amba nga tshaṋu ni tshi ri, ‘Riṋe ri vhana vha Abrahamu.’ A vha nṋe ndi ri, Mudzimu u na maanḓa a u itela Abrahamu vhana nga matombo haya!

Iṱali mbaḓo yo no ḓi dzula yo angaladzwa tsindeni ḽa muri; muri muṅwe na muṅwe une u si aṋwe mitshelo yavhuḓi u ḓo remiwa wa kudzwa muliloni.”

Hezwi zwo itea nga he muporofita Yesaya a vha o ṅwala buguni yawe a tshi ri, “Hu na muthu a huwelelaho sogani! U ri, ‘Lugiselani Muṋe washu nḓila, i tou tswititi, i tshimbilee! Miedzi yoṱhe i ḓo ḓadzwa mavu, dzithavha na zwikwara zwi ḓo itwa midavhi, ho kombamaho hu ḓo onyoloswa; nḓila dzo vhifhaho dzi ḓo tshimbilea; tshakha dzoṱhe dzi ḓo vhona uri Mudzimu u tshidza hani vhathu!’ ”